Wala ring kaalam-alam ang Pinay Broadway Diva na si Lea Salonga na ikakasal noong February 20, Huwebes, ang kapwa judge niya sa The Voice na si Sarah Geronimo.
Ibinahagi ni Lea ang kanyang reaksiyon sa secret Christian wedding ceremony ni Sarah, 31, at ng aktor na si Matteo Guidicelli, 29, sa kanyang "Backstory" column sa Philippine Daily Inquirer ngayong araw, February 27.
Noong February 20 ay buong maghapong magkasama sina Lea at Sarah sa studio ng ABS-CBN dahil sa taping ng The Voice Teens, pero walang pahiwatig na may mangyayaring espesyal kina Sarah at Matteo kinagabihan.
Ayon kay Lea—kilala rin sa tawag na Coach Lea—may naulinigan na siyang haka-hakang ikakasal na si Sarah noong Huwebes na iyon.
"The day before, Thursday, there was already buzz that one of our beloved coaches Sarah Geronimo was getting married on this day in a secret ceremony somewhere in the metropolis."
Normal lamang daw ang takbo ng kanilang taping sa studio, kaya wala talagang paiwatig na ikakasal ang Popstar Royalty kinagabihan.
Lahad pa ni Lea, “A lot of the staff at 'The Voice' didn’t actually think it was true, because she was present and working without any sign of stress or rushing.
"A bunch of us were on Facebook jokingly discussing it, not thinking for even a minute that this whole wedding thing was anything but a sham.”
Kinabukasan, February 21, kasama si Lea sa milyun-milyong nagulat nang bumulaga ang balitang totoong ikinasal na si Sarah.
“Then, on Friday, as I was walking from my dressing room to the studio, the news that ended up reverberating throughout the city… and eventually the country… met us head-on: SHE GOT MARRIED! SHE ACTUALLY GOT MARRIED!”
Dito na raw naisip ni Lea ang mga katanungang ito: kung saan ikinasal, anong oras nangyari, sinu-sino ang mga nakakaalam, at kung paano nila nagawang isikreto ito sa halos lahat ng mga malalapit sa kanila.
Dagdag pa niya, "But here’s the most important question for any of us to ask: Is she happy?
"I would like to believe the answer to that question is yes."
VIDEO CALL CONFIRMS THE WEDDING
Kinagabihan na noong Biyernes, February 20, nakumpirma ni Lea na kasal na nga talaga si Sarah nang tumawag mismo si Matteo sa kanya.
Kuwento ng original Miss Saigon star, “Later that evening, as I was having supper with a bunch of friends close to home, a video call from her husband came in.
“I got to see her face, completely scrubbed of make-up, flashing a brand-new piece of hardware on her finger, with him flashing his own.
“And she looks happy. They both do. Truly, peacefully, undoubtedly happy."
Mensahe pa niya sa bagong kasal: “To the new Mr. and Mrs. Guidicelli, my most heartfelt congratulations and best wishes!”