Direktang tinukoy ng pamunuan ng Makati Medical Center (MMC) na "irresponsible and reckless action" ang ginawa ni Senator Koko Pimentel.
Kaugnay ito sa pagsama ng senador sa kanyang asawang si Kath Yu-Pimentel sa ospital kagabi, March 24, gayong isa na palang Person Under Investigation (PUI) ang mambabatas.
Inamin ni Senator Pimentel na siya ay COVID-19 positive ngayong araw lamang, March 25.
Ikinaalarma ito ng publiko dahil, sa pagsama sa asawa, marami pang nakasalamuha sa MMC ang senador.
Sa opisyal na pahayag na inilabas ng MMC ngayong hapon, sinabi nitong nilabag ng mambabatas ang infection control protocols ng ospital.
Nakasaad sa Facebook post ng MMC:
“Senator Aquilino Martin Pimentel III breached MakatiMed hospital infection control protocols.
“March 24, 2020 - Infection Control Protocols of the Makati Medical Center Delivery Room were breached by Senator Aquilino Martin D. Pimentel III.
“Rest assured that stringent protocols for decontamination of the facility and evaluation of involved healthcare workers have been done.”
Mariin pa nitong pahayag: “We denounce the irresponsible and reckless action of the senator.
“He added to the burden of a hospital trying to respond in its most competent and aggressive manner to cope with the daunting challenges of this CoViD-19 outbreak.
“More than anyone else, Mr. Pimentel should have realized the ardent desire of every well-meaning Filipino and every dedicated healthcare institution to contain the spread of the infection.
“His admonition for everyone to observe social distancing, enhanced community quarantine measures, washing of hands and personal hygiene are nothing but empty rhetoric because he himself violated all those.
“By his actions, he contributed no solution.
"In fact he created another problem for Makati Medical Center, the very institution which embraced his wife for obstetric care.”
Sa panayam ng medical director ng MMC na si Dr. Saturnino Javier, kinumpirma nitong nagtungo sa kanilang ospital si Senator Pimentel at ang kanyang misis Martes ng gabi.
Sinabi ni Dr. Javier, sa programang Dos Por Dos ng DZMM ngayong Miyerkules ng gabi, na dapat ay sinunod ng senador ang protocol sa self-quarantine.
Paliwanag niya, "As early as March 11, there’s been a report of a resource speaker in one of their [senate] sessions ang nag-positive sa COVID-19.
“Several days or even during that time, Senator [Nancy] Binay po and Senator [Sherwin] Gatchalian went on quarantine already.
“Sa akin po, yun ay signal that you should already do something.
“March 14, the good senator has already body pains similar to flu symptoms.
“March 16, nag-announce na po si Senator [Juan Miguel] Zubiri that he is positive, ‘no.
“Kung kayo po ay may colleague na nagpositibo, dapat ho siguro lalo tayong mag-ingat, di ba?
“And true enough, March 20, at least four or five days ago, the senator had himself tested. That’s on record."
Patuloy niya, "When you have yourself tested, you’re gearing towards a positive result or a negative result.
“And therefore, to be safe, you want to err on the safest side, mag-iingat po tayo nang todo.
“You implement very strict home quarantine protocols."
Nilabag daw ito ni Senator Pimentel.
“He did not do that, and went to Makati Medical and violated home quarantine.
“Home quarantine, in-advocate po 'yan sa lahat ng taong na-expose sa isang positive patient.
“Ang tawag po namin diyan ay Person Under Monitoring [PUM]."
Sa kaso raw ni Senator Pimentel, ito ay isa nang PUI o Person Under Investigation.
Paliwanag pa ni Dr. Javier, "Kapag ang PUM ay nagkaroon ng flu-like sypmtoms, fever, or anything, tatawagin na po' yang PUI.
"PUI na po si Senator by the time he went to Makati Med.
“That's already on record kasi meron na po siyang nararamdaman.
"It's no longer a matter of having the result which they claimed they got on the evening of March 24.
“The fact that you have symptoms—he’s not PUM, naging PUI na po siya—dapat ang ibayong pag-iingat.”
Natukoy na ba ng MMC kung ilang medical staff ang nakasalamuha ng mambabatas?
Tugon ng medical director, “Opo, na-trace na po ‘yan.
"Na-contact tracing na po ‘yan, kaya medyo nagtagal kami bago makapaglabas ng statement.
“We have been able to track all of those.
"Meron po kailangang i-home quarantine, meron namang very minimal ang exposure.
"Magtatrabaho po 'yan, pero naka-mask.”
Na-disinfect at na-decontaminate na raw ng kanilang mga tauhan ang mga lugar sa ospital na napuntahan ni Senator Pimentel at ng asawa nito.
Ilang tao ang nakasalamuha ng mag-asawa?
Ayon kay Dr. Javier, “Siguro po, roughly six to eight people.
"But we also go beyond those 6 to 8 people, kasi yung mga nakausap po nun, we will also have to track.”
Magla-lockdown ba sila dahil sa pangyayari?
Sagot ng MMC medical director, “Hindi po. I don’t think that’s enough reason to lock down the area.”
Pagkatapos siyang punahin ng MMC, humingi ng paumanhin si Senator Pimentel sa publiko.
Pahayag niya sa News Night ng CNN Philippines: “I'm sorry that this happened. Farthest from my mind yun.
"I am an expectant father, sinamahan ko yung wife ko who was supposed to give birth without finding na positive po ako."