Binigyang linaw ni Eat Bulaga! host Ruby Rodriguez ang komento nito sa isang post ni Alden Richards sa Instagram.
Nitong Miyerkules, May 27, nag-post ng selfie si Alden at sinabi sa caption na maggo-grocery ito.
Ilan sa followers ng actor ang nakapansin sa komentong iniwan ni Ruby: "kilala mo pa ba ako?"
Hindi malinaw sa followers ni Alden kung seryoso o nagbibiro si Ruby.
Isa sa mga ito ay direktang nagtanong kay Ruby, "why, has he not wished you well during your hospitalization? Or has he not reached out to you?"
Kamakailan kasi ay na-ospital si Ruby dahil sa stomach pain, at isa si Alden sa mga nangumusta sa komedyana.
Nag-reply si Ruby. Pinaliwanag niyang inside joke ito ng mga Eat Bulaga! hosts kapag matagal na silang hindi nagkikita-kita.
Ani Ruby, "hahahahaha ano ba kayo, biruan namin lahat yun pagmatagal na di nagkikita. Ganyan lahat kami lalo na pag nag abroad. Meron pa do u still speak tagalog? [laughing emoji]."
Sa Twitter, muling nilinaw ni Ruby na ang comment nito kay Alden ay biro lamang, na pinauso ng kapwa Eat Bulaga! host na si Joey de Leon.
Sabi ni Ruby, "Ano ka ba dondon! Ganon lagi batian namin pag matagal na hindi nagkikita. Lalo na pag nagbakasyon. Si Joey nagpauso nun kilala mo pa ba kami/ako? Dont put a bad light Magkatext kami! Natural lang namiss ko din sya. Ano ba [laughing emoji]"
Sa ngayon, patuloy naman ang recovery ni Ruby mula sa kanyang stomach pains. Nitong Martes, May 26, nakalabas na ang TV host sa Manila Doctor's Hospital matapos ma-confine ng ilang araw.
Sa isang Instagram post, sabi nito, "Finally out of the hospital! Still need 2 weeks of meds but Feeling so much better.
"All procedures [thumbs up emoji], hope nothing comes bad with biopsy.
"Anyhoo, coming home to this posted on my bedroom door made me think 1000x on getting better. Love you Aj you really know how to make me [crying and smiling emoji] at the same time!! [heart emoji]"
Si AJ ay ang teen son ni Ruby.
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)
