Nagulat si Andrea Torres sa tanong ng isang netizen kung siya ba ay nagdadalangtao.
Ito ay matapos ibahagi ni Andrea ang litrato nila ng boyfriend niyang si Derek Ramsay.
Mahigpit na magkayakap ang magkasintahan matapos ang matagal na hindi pagkikita dala ng ipinatupad na quarantine protocols sa Metro Manila.
"My little piece of heaven," caption ni Andrea sa Instagram post niya noong May 31.
Isang follower niya ang naglakas-loob na nagtanong kung buntis si Andrea.
Sabi nito, "Pregnant ka daw?!"
Mabilis na pinabulaanan ito ng Kapuso actress.
Nagulat man, tinawanan na lang ni Andrea ang isyu.
"Woah! Haha. Hindi po," reply ni Andrea kalakip ng smile emoji.
DEREK DISMISSES HIS BASHER
May isa namang kritiko ni Derek ang kumuwestiyon sa intensiyon ng aktor kay Andrea.
Hindi raw ito naniniwalang aabot sa kasalan ang relasyon ng magkasintahan.
Sabi ng kritiko (published as is), "he doesnt have plans of marrying anyone cause he's already married to his TOYS @andreaetorres ..think m right."
Hindi ito pinalampas ni Derek.
Sana raw ay "masaya" ang basher sa tinuran nito. Nag-send pa ang Kapuso actor ng clapping hands emojis.
DEREK VISITS ANDREA
Going strong sina Derek at Andrea mula nang kumpirmahan nilang sila na noong October 2019.
Pati kani-kanilang pamilya ay suportado ang relasyon nila.
Noong May 15, bukas si Derek sa pagsasabing nami-miss na niya si Andrea.
Nag-post pa siya sa Instagram ng litrato nila ni Andrea at nagsabing magkikita rin sila "soon."
Hanggang sa binisita nga ni Derek si Andrea sa bahay ng dalaga noong May 31.
"Missed you," saad ni Derek sa Instagram post ng aktres.
Balik-sagot ni Andrea, "Missed you too my baby! Thanks for visiting us."
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)