Gretchen Ho insists there are no jobs; Slater Young says “stop glorifying Filipino resilience” amid massive unemployment

by Jet Hitosis
Aug 21, 2020
After Presidential Spokesperson Harry Roque's statements about jobs being available for the young, Kapamilya talents spoke up. Gretchen Ho (left): “Ang bilis sabihin, pero marami akong kaibigan sa mga ‘younger workers’ na yun na hindi pa rin makahanap ng trabaho,” Slater Young (right): “Nobody wants to have to be resilient. Let’s stop romanticizing it.”
PHOTO/S: @gretchenho, @thatguyslater on Instagram

Kinontra ng TV host na si Gretchen Ho ang pahayag ng gobyerno na mayroong mga alternatibong mapapasukan ang mga kabataang nawalan ng trabaho ngayong pandemic.

Base sa nararanasan ngayon ng mga kaibigan ni Gretchen, 30, wala raw katotohanan ang sinabing ito ni Presidential Spokesman Harry Roque.

Sa daily press briefing ni Roque nitong Huwebes, August 20, nag-react ito sa isang pag-aaral na aabot sa isang milyong kabataan ang delikadong masisante sa trabaho kapag tumagal pa ang pandemic.

Dahil sa limitadong work experience kumpara sa kanilang senior counterparts, mas madali raw i-layoff ang kabataang empleyado.

Ito ay ayon sa joint study ng Asian Development Bank (ADB) at International Labour Organization (ILO) na may titulong: "Tackling the COVID-19 youth employment crisis in Asia and the Pacific."

Inamin ni Roque na marami na ngang kabataang manggagawa ang nasisante sa ngayon dahil sa prosesong “last-in-first-out."

Ang ibig sabihin nito, sakaling kailangang mag-retrench ang isang kumpanya, iyong mga huling na-hire ang unang tatanggalin.

Continue reading below ↓

Mabilis na idinugtong ni Roque: “Ngayong bukas na ang ating ekonomiya, may mga alternatibo po silang pupuwedeng pasukin.

“Sa aking tanggapan [Office of the Presidential Spokesperson], marami na akong natanggap na mga kabataan na nawalan ng trabaho,” pagbabalita pa ng tagapagsalita ni Pangulong Rodrigo Duterte.

Hindi nag-elaborate si Roque kung anu-ano ang mga alternatibong trabahong maaaring puntahan ng mga kabataang jobless sa ngayon.

GRETCHEN: “MARAMI AKONG KAIBIGAN…DI PA RIN MAKAHANAP NG TRABAHO”

Nitong Huwebes ng hapon, ni-retweet ni Gretchen ang post ng Inquirer tungkol sa sinabing iyon ni Roque.

Komento ni Gretchen, madali lang para kay Roque ang magsalita. Pero iba raw ang aktuwal na nararanasan ng mga kaibigan niyang kabilang sa mga kabataang na-layoff.

“Ang bilis sabihin, pero marami akong kaibigan sa mga ‘younger workers’ na yun na hindi pa rin makahanap ng trabaho,” tweet ng Kapamilya TV host-athlete.

Pabirong nagparunggit pa si Gretchen kay Roque: “Baka pwede siyang tumulong [grinning face emoji]”

Continue reading below ↓

Malinaw na mga empleyado ng ABS-CBN ang tinutukoy ni Gretchen na mga kaibigan niyang natanggal sa trabaho.

Pagkatapos kasing pagkaitan ng Kamara ng panibagong prangkisa ang network nitong July 10, napilitan ang kumpanyang mag-retrench ng libu-libong empleyado nito.

Kabilang sa mga nagtigil-operasyon ang ABS-CBN Sports+Action channel, kung saan nagsimula ang hosting career ni Gretchen.

Continue reading below ↓

Bago pa man naging Kapamilya host, sumikat si Gretchen bilang star volleyball player ng Ateneo Lady Eagles.

UNEMPLOYED FILIPINOS NOW AT 27.3 MILLION

Ito ang ikalawang pagkakataon ngayong linggo na nabatikos si Roque dahil sa mistulang iresponsableng pahayag tungkol sa mga nawalan ng trabaho ngayong pandemic.

Nitong Lunes, August 17, nag-trending si Roque sa social media matapos sabihing “nagagalak” siya na “45 percent pa lang” ang nawalan ng trabaho sa bansa dahil sa krisis.

Pinagbasehan ni Roque ang resulta ng latest Social Weather Stations (SWS) survey, na nagsabing lumobo sa record-high 45.5% ang adult unemployment sa Pilipinas nitong July 2020.

Katumbas ito ng 27.3 milyong Pilipinong walang pinagkakakitaan, na lubhang nakakabigla ang pagdami mula sa 7.9 milyong jobless noong December 2019.

Narito ang eksaktong quote kay Roque: “Ako po ay nagagalak na hindi tayo 100% nawalan ng trabaho, kasi sa tagal po na naka-lockdown tayo. Talagang I'm still surprised at our resilience, at 45% pa lang po ang nawawalan ng trabaho.”

Continue reading below ↓

Dagdag ng opisyal: “It could have been worse, kasi nga po complete lockdown ang nangyayari sa atin.”

SLATER: “STOP GLORIFYING FILIPINO RESILIENCE”

Pinalagan ng aktor at Pinoy Big Brother: Unlimited (2012) winner na si Slater Young ang sinabing ito ni Roque.

Sa tweet ng 32-year-old actor-engineer nitong Lunes, sinabi niyang hindi tamang pinupuri ang resilience—o ang kakayahang makabalikwas mula sa mga pagsubok—ng mga Pinoy.

Dahil hindi naman ginusto ng kahit sino ang maging resilient sila; wala na lang silang mapagpipilian.

Giit ni Slater: “Let’s stop romanticizing it.”

Continue reading below ↓

Sa isa pang tweet, sinupalpal ni Slater ang palusot daw ng gobyerno na “could be worse” ang percentage ng mga walang trabaho sa bansa habang may pandemya.

Kahit mataas na percent na raw ang adult unemployment, palalabasin pa ring may mas malala pang scenario rito, sabi ni Slater.

Kung inaako lang daw sana ng gobyerno ang mga pagkukulang at pagkakamali nito sa pagtugon sa COVID-19 pandemic, mas akmang sabihin ang “It could be better.”

Tweet ni Slater: “45% pa lang? It could be worse. Oh 60% na? It could be worse. 80%??? It could still be worse.

“’It could be worse’ is an excuse. ‘It could be better’ is being accountable.”

Continue reading below ↓

Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika

Read Next
Featured
Latest Stories
Trending in Summit Media Network

Featured Searches:

Read the Story →
After Presidential Spokesperson Harry Roque's statements about jobs being available for the young, Kapamilya talents spoke up. Gretchen Ho (left): “Ang bilis sabihin, pero marami akong kaibigan sa mga ‘younger workers’ na yun na hindi pa rin makahanap ng trabaho,” Slater Young (right): “Nobody wants to have to be resilient. Let’s stop romanticizing it.”
PHOTO/S: @gretchenho, @thatguyslater on Instagram
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results