Nagkataon lang ba o may kumopya ng caption?
Ito marahil ang tanong ng maraming netizens na nakabasa at nakakita ng magkaibang posts pero parehong caption ng ex-couple na sina Bea Alonzo at Gerald Anderson.
Noong January 7, nag-post si Bea sa Instagram ng larawan niya na naka-scarf at orange sunglasses.
Sabi niya sa caption: “Trust the timing of your life”
View this post on Instagram
Kahapon, February 7, o eksaktong isang buwan makalipas ang post ni Bea, si Gerald naman ang nag-post ng kanyang mga larawan na kuha sa pagmamay-ari niyang private resort sa Zambales.
Caption niya rito: “Trust the timing of your life”
View this post on Instagram
Coincidence o nagkataon lamang?
Komento ng isang netizen sa post ni Gerald, naghihintay lang ba ang aktor ng right timing para aminin sa wakas ang relasyon nila ni Julia Barretto?
Sumagot naman ang isang netizen sa naturang komento. Ayon dito, kasama raw ni Gerald si Julia sa resort ng aktor.
Aniya, “actually he is with Julia there.. seing them together im from that place where he built his resort”
Komento pa ng isa, “Gaya gaya amp HAHAHAHA”
Dagdag ng isa pa, baka raw nang-stalk si Gerald sa account ni Bea.
Matagal nang usap-usapang may relasyon talaga sina Gerald at Julia, pero hindi pa nila ito inaamin sa publiko.
Si Julia ang itinuturong third party sa hiwalayan nina Bea at Gerald noong July 2019.
BEA-DOMINIC RIGHT TIMING?
Sa kaso ni Bea, naghihintay rin lang ba siya ng tamang timing upang aminin na ang totoong relasyon nila ni Dominic Roque?
Nitong nakaraang linggo, spotted sina Bea at Dominic na magkasamang nagbakasyon sa Amanpulo, Palawan.
Pero hindi pa rin sila nagpu-post ng larawan nilang magkasama sa nasabing world-class resort.
February 2020, spotted din sina Bea at Dominic na magkasama sa isang family gathering.
