“Single na single and ready to mingle.”
Ito raw ang estado ng puso ngayon ng Kapuso actor na si Jeric Gonzales.
Sa “May Pa-presscon” segment ng The Boobay and Tekla Show (TBATS) noong Linggo, March 14, sinabi ng 28-year-old actor na hindi siya tumitingin sa physical attributes sa magiging karelasyon niya in the future.
Saad niya, “Naniniwala kasi ako na love at first sight, e. Pag nakita mo siya, yun na yun, e.
"Hindi ako naniniwala sa physical attributes."
Pagdating naman sa edad, mas gusto raw ni Jeric ang mas mature o mas matanda sa kanya.
Dahilan niya, “A, ako siguro, mas matanda. Siguro mas may experience yung babae, mas marami akong matututunan, di ba?”
Dahil dito, inusisa ng mga host na sina Boobay at Super Tekla si Jeric tungkol sa mga intriga pa ring kinakaharap nila ni Sheryl Cruz, co-star niya sa afternoon drama series na Magkaagaw.
Ano ba ang real score nila ni Sheryl, 46?
Sagot ni Jeric, “A, kami ni Miss Sheryl Cruz? Alam niyo naman naging close kami sa Magkaagaw.
"So, kung anuman yung friendship namin ngayon, e, sa amin na lang siguro yun.
“Very ano kami, close kami. So, special yun.”
Biro pa ni Boobay, siya na ba ang “Mr. Dreamboy” ni Sheryl?
Ang “Mr. Dreamboy” ang isa sa pinakasikat na kanta ni Sheryl na inilabas noong 1989.
Biro namang sagot ni Jeric, “Sa tingin ko, ako na.”
NO SPECIAL RELATIONSHIP
Sa isang panayam noong December 2020, mariing itinanggi ni Sheryl na buntis siya at ang ama diumano ay si Jeric.
Nagkalapit ang dalawa dahil sa kanilang mga role sa teleserye ng GMA-7 na Magkaagaw.
Sabi ni Sheryl noon tungkol sa isyung nagdadalantao siya, "Oh, wow! Hahaha!!! And who is the father daw?
“I just came back from a lock-in taping of Magkaagaw and got my period on the second week of the taping, so that’s my answer.
“And if the tsismis is true, wow, ang ganda o ang gwapo siguro ng magiging anak namin.”
Nag-ugat ang isyu sa komento ng isang netizen sa Instagram post ni Sheryl noong December 19, kung saan kasama niya si Jeric habang nasa lock-in taping sila sa Pampanga.
Sabi ng netizen, “nabuntis ka daw nyan sbi sa article sa fb”
Natatawang sagot ng aktres, "Me ganun? [laughing in tears emoji]”
Matagal nang iginigiit ng dalawa na purely professional lamang ang kanilang relasyon.