Muling tinukso ng fans sina Cassy Legaspi, 20, at Darren Espanto, 19, matapos ipakita ng dalaga ang litrato ng isang sunflower bouquet.
Noong April 13, nag-post si Cassy sa Instagram ng natanggap niyang sunflowers kalakip ng caption na nagsasabing "*cue Sunflower Vol. 6*."
Kanta iyon ni Harry Styles na ang mensahe ay tungkol sa taong hinahangaan nito.
Sa comments section, kakatwang napa-react ang mga kaibigan ni Cassy na tila may nalalaman kung sino ang mystery sender ng bulaklak.
Una na rito sina Kakai Bautista at Thia Tomalla na co-stars ni Cassy sa GMA-7 prime-time series na First Yaya.
Tila napatiling komento ni Kakai, "CASSANDRAAAAAAAAAAAA!!!!!!"
Singit ni Thia, "hala ka cassandra patay ka kay tyang."
Sagot ni Cassy, "Tyang naman eh!!!!"
Tinukso naman ni Anna Vicente ang pagtanggap ni Cassy ng flowers mula sa isang mystery sender.
Ani Anna, "Dalaga na baby ko."
Isang sweating emoji ang tanging sagot ni Cassy kay Anna.
"ATE CASSY, KUYA DARREN"
Ang isa pang First Yaya co-star ni Cassy na si Clarence Delgado ay inasar din si Cassy.
Sabi ni Clarence kalakip ng laughing emoji, "GANDA NG FLOWERSS!! ate dear!!"
Kunwa'y inis na sagot ni Cassy, "hay nako!!"
Tila may laman ang pang-aasar na "ate" kay Cassy.
Bukod sa mas matanda talaga si Cassy kay Clarence, nabigyang-diin ang edad ni Cassy dahil kay Darren Espanto.
Noong March 13, nag-Instagram Live si Cassy kasama si Clarence at isa pang First Yaya co-star na si Patricia Coma.
Gumaganap na nakababatang kapatid ni Cassy sina Clarence at Patricia sa show.
Nang sumali sa IG Live si Darren, gumaya si Cassy kina Clarence at Patricia sa pagtawag na kuya kay Darren.
"Hi po Kuya Darren," pabirong sabi ni Cassy.
Pero maya-maya pa, nang sumali na rin si Kyle Echarri, ipinunto ni Darren na ang pinakamatanda sa kanila roon ay si Cassy.
Ani Darren, "You know who's the oldest one here is? It's that girl right there in the middle!"
Pabirong sabi ni Cassy, "Parang I want to leave..."
Natatawang hirit pa ni Darren, "Iyang si Ate Cassy, 29."
are the flowers from darren?
Samantala, hindi maiwasang tanungin si Cassy kung kanino galing ang flowers.
Marami ang nanghuhula na si Darren umano ang nagbigay ng bouquet na ipinost ni Cassy.
May ibang naniniwala na "late post" ang sunflowers photo ni Cassy.
Matatandaang noong Valentine's Day, may litrato si Cassy ng natanggap niyang sunflower bouquet kalakip ng instant cup noodles.
Iniuugnay iyon kay Darren dahil ilang araw bago ang Valentine's Day ay may kuwelang diskusyon sa Twitter sina Cassy at Darren na ang paggawa ng cup noodles ay simpleng gesture ng affection para sa taong mahal nila.
Hindi sinabi ni Cassy kung kanino galing ang sunflowers na iyon, pero malinaw na nagpadala si Darren ng pizza sa pamilya Legaspi noon.
Hindi kaila sa publiko ang pagiging malapit nina Cassy at Darren, na madalas tuksuhin sa isa't isa ng kanilang common friends.
Kahit na nasa Canada si Darren, patuloy ang komunikasyon nito kay Cassy base sa social media posts nila.
Noong Biyernes, August 16, dumating na si Darren sa Manila mula sa higit isang taong pananatili niya sa Canada.