Hindi pa tapos ang mainit na summer season kay Heart Evangelista, 36, na nagpasiklab sa suot niyang sexy orange bikini.
Sa kanyang Instagram post nitong Linggo, May 31, inilantad ni Heart ang kanyang magandang pangangatawan habang nakahiga sa white sand sa isang beach resort.
Mayroon din siyang litratong nakaluhod habang nakikipaglaro sa isang aso.
Caption ni Heart, "Life takes you down many paths, but the best ones lead to the beach."
Nasorpresa ang fans ni Heart dahil bihirang magbalandra ng kanyang bikini body si Heart sa social media.
Marami ang pumuri sa kinis at kaseksihan ng Kapuso actress, pero may ilan ding netizens ang nagsabing "edited" at "filtered" ang litrato niya.
Sabi naman ng female netizen na nagpakilalang isang graphic artist:
"The second photo is obviously edited the lower boob part and one from arm to hand is distorted.
"You better get a good graphic artist.
"Not a basher tho', just from graphic artist eyes and opinion [peace emoji]."
Tahasang sinagot ni Heart ang isang pumuna sa kanya.
Giit ni Heart, walang halong daya ang kanyang hubog ng katawan sa litrato.
Pinagpaguran din daw niya ang pagiging physically fit ngayon.
Buong pahayag ni Heart (published as is): "if I edited I should of hired the best photog. All I edited is the filter to fit my feed.
"It's hard work. I would never even post. As you know I don't post stuff like this.
"But with @kimkingskitchen we worked so hard to get healthy and fit :) so enough with the negative stuff.
"We don't need that stuff now darling."
May nagtanong din kay Heart na "What is the secret to aging gracefully?"
Isang netizen ang sumingit at nag-iwan ng dollar bag emojis na nagpapahiwatig na malaki ang ginastos ni Heart sa pagpapabata o pagpapaganda.
Sagot ni Heart, "water does not cost anything!:) water cleanse 3x a day and cheat day on Sunday's!"
MINDFUL EATING FOR "NEARLY A YEAR"
Hindi kaila sa mga sumusubaybay kay Heart na matagal na rin siyang nagda-diet para magbawas ng timbang.
Kung minsan ay ipinapakita ni Heart via Instagram Stories ang mga pagkakataong siya ay nagpa-fasting at umiinom ng bone broth.
Pinatotohanan ito ng nagsu-supply kay Heart ng diet food, at sinabing halos isang taon na ang nutrition program ng aktres.
Kombinasyon daw ng "mindful eating, fasting, at diet breaks" ang ginagawa ni Heart para balanse pa rin ang pagkain nito.
Sagot ni Heart sa kanyang nutrionist (published as is), "you know my struggles [heart emoji] you kept me strong and healthy [heart emoji] love you Kimmy thank you for all your guidance."
"PATI SINGIT MUKHA MAMAHALIN"
Sa kabila ng ibang mga pumuna kay Heart, dumagsa rin ang positibong comments tungkol sa pagpapakita ng aktres ng kanyang bikini body.
May mga nagsabing mukhang "flawless" si Heart dahil pati raw ang "singit" nito ay "makinis."
Sabi ng isang commenter, "ung singit ni heart, makinis pa satin. Jajjajajajaja."
Sang-ayon ng iba, "pati singit mukha mamahalin."
Sana raw ay "lahat ng singit" ay tulad ng kay Heart.
Use these Nike promo codes when you shop or order online. Marami pang ibang coupons dito.