Nangako ang singer na si JK Labajo, 20, na suportahan niya ang nobyang si Maureen Wroblewitz, 23, sa lahat ng pangarap nito sa buhay.
Sa kanyang pagbati sa girlfriend kahapon, June 23, nagbiro pa siyang masuwerte daw si Maureen sa kanya.
Ipinagdiwang ni Maureen ang kanyang ika-23 kaarawan kahapon.
Sabi ng "Buwan" singer, “hay ang swerte mo talaga sakin.
“maligayang kaarawan sa aking minamahal! palagi mong tandaan na akoy andito lang na walang sawang susuporta sa lahat ng mga gusto mong gawin sa buhay.
“naway makamit mo ang lahat ng iyong mga pangarap, aking maliwanag na bituin!
“cute mo talaga gigil ako sayo.”
View this post on Instagram
Tatlong “heart emojis” naman ang sagot ni Maureen sa post ni JK.
Binati din siya ng ilang kaibigan sa showbiz katulad nina Iza Calzado at Daiana Menezes.
Si JK ang unang boyfriend ni Maureen.
Nagkakamabutihan ang dalawa noong April 2019 nang mag-post sa Instagram si JK ng litrato ni Maureen habang sila ay nasa Boracay.
Unang public appearance nilang magkasama ay nang dumalo sila sa premiere night ng Kwaresma, ang horror film na pinagbidahan ni Sharon Cuneta.
Noong birthday nnaman ni Mother Lily Monteverde noong August 2019, muling nakitang magkasama sina JK at Maureen.
Mailap si JK nang tanungin kung anong estado ng relasyon nila ni Maureen.
Pero nagpahiwatig na si Maureen na higit sa pagiging magkaibigan ang namamagitan sa kanila ni JK.
Use these Lazada vouchers when you shop or order online. Marami pang ibang coupons dito.
