Aminado si Dani Barretto na naapektuhan siya ng mga mapagkutyang comments noon.
Kadalasan, sinasabihan siyang iba ang beauty niya sa mga kapatid na sina Julia at Claudia at sa inang si Marjorie Barretto.
Si Dani ay anak ni Marjorie sa aktor na si Kier Legaspi.
Ang mga kapatid niya sa inang sina Julia, Claudia, at Leon ay anak naman ni Marjorie sa komedyanteng si Dennis Padilla.
Sa vlog ng beauty doctor na si Dra. Vicki Belo na lumabas noong July 15, 2021, ibinahagi ni Dani ang kanyang mga life lessons.
Sa kalagitnaan ng kanilang pag-uusap, binanggit ni Dani na noong simula, hindi niya iniinda ang madalas na pagkukumpara ng mga tao sa mga nakababatang kapatid dahil hindi naman raw nito affected ang closeness nila.
Aniya, “’Di ba they always say na pag magaganda kapatid mo, you tend to compare yourself to them.
“That never happened to me because my siblings always showed me a different kind of respect. That I should never ever feel that way, so that was never an issue."
Pero nung naging popular ang social media, naramdaman niyang mas rampant ang bashing at mas harsh ang ang mga netizens.
Dugtong ni Dani, “And then people would always say, ‘Bakit ganun, yung mga kapatid mo ang ganda, ikaw hindi.’
“Or like, ‘Barretto ka ba talaga? Parang hindi ka mukhang Barretto.’”
Doon siya nagsimulang ma-bother sa mga kritisimo sa kanya.
Lahad niya, “I was like, ‘Ano nga bang itsura ko compared to them?’
“Parang bigla akong napaisip, 'Bakit ang dami?' So ibig sabihin ang daming nakaka-notice nito. That’s when I started to get bothered na about it.”
Noong mas lumakas ang presence niya sa social media, mas lalong hindi siya tinantanan ng bashers.
Madalas rin daw ang comments sa tungkol sa kanyang chin.
Kaya dumating daw sa punto na parang ayaw na niyang mag-post sa kanyang mga social-media accounts.
Aniya, “Parang nahiya na ako at one point na mag-picture ng sarili ko sa social media. Sa vlog ko, parang nahihiya na ako.
“Kasi sa vlog ko I never put make-up on, e, I never, hindi ko talaga gusto mag make-up unless I have to.
“'Tapos I started to become more ano with myself because I wanna hide something na, you know, angles.
"I had to figure out my angle because it’s just hard na parang, na parang, you feel beautiful today 'tapos 'pag nag-post ka ng picture, everybody will tell you otherwise.
"So, masa-shutdown ka na.”
Malaking boost para sa kanyang self-onfidence ang pagpapabawas niya ng kanyang chin o chin liposuction kay Dra. Belo.
Ayon kay Dani, "May mga nagmi-messsge sa akin na pumayat ka, asan na yung double chin mo nawala na."
Sa tingin niya, bakit ganun na lang kung maka-bash ang ilang netizens?
Tugon niya, “A lot of people would say it out of their insecurities, but I don’t think it’s that, e. Parang nowadays, it’s just out of spite na lang, parang may gusto lang silang i-prove.
“Kasi di ko naman sila kilala parang it’s out of meron silang feeling towards you, it’s just that they want to ruin your day. They just wanna say it.”
Use these Shopee vouchers when you shop or order online. Marami pang ibang coupons dito.
