Pansamantala munang itinigil ng NAS Academy ang pagtanggap nito ng mga applicants para sa kanilang online courses.
Ang NAS Academy ay isang educational technology platform na may pay-to-view online classes kung saan ilang Filipino personalities ang nagsisilbing instructors. Ang Arab Israeli vlogger na si Nuseir Yassin na mas kilala bilang Nas Daily ang founder nito.
Si Miss Universe 2018 Catriona Gray ay kabilang sa mga Filipino personalities na magsisilbing instructors sa isa sa mga online courses nito.
Sa statement na inilabas ng Cornerstone Entertainment, ang talent management agency ni Catriona, sinabing napagkasunduan ng mga ito na ihinto muna ang online courses matapos masangkot ng NAS Academy sa Whang-Od issue.
Buong pahayag ng Cornerstone Entertainment sa kanilang social media accounts ngayong Linggo, August 8, 2021: "Cornerstone Entertainment, Catriona Gray and NAS Academy have agreed to stop accepting new applications for the Catriona Gray Academy until the issue of 'Whang-Od' has been fully resolved.
"NAS Academy is currently committed to working with the NCIP to make sure all proper processes are followed.
"Cornerstone will continue to monitor the progress of this incident."
View this post on Instagram
Ibinahagi naman ng NAS Academy sa kanilang website na pansamantala muna nilang ititigil ang kanilang operations sa Pilipinas upang mas mabigyan nito ng pansin na maayos ang isyu.
Ang buong statement ng NAS Academy: "Dear Philippines,
"We started Nas Academy because we think everybody should become a teacher. We wanted everyone inside and outside the Philippines to become a teacher, because knowledge is the only thing that increases when you give it away.
"Sadly, some of our intentions have been misunderstood, as we can see with Whang-Od Academy.
"But our goal has always been to help people become teachers, with their input and consent. We are committed to working with the NCIP (National Commission on Indigenous People) to ensure that all proper processes are followed.
"Meanwhile, we will be pausing our operations in the Philippines to focus on strengthening our processes around how we collaborate with our partners.
"We have full respect and belief in both the Filipino people and culture, which is why we chose the Philippines as one of the first places to build Nas Academy.
"We will come back more energised and ready to help more inspiring people become teachers in the Philippines. Because Education changes lives.
"Thank you to everyone who has engaged in conversation with us. Please take care and stay safe amidst the pandemic. See you again, soon!"
Nagsimula ang isyu noong August 4, 2021 nang sabihin ni Grace Palicas, isa sa apo ni Apo Whang-Od, na isang "scam" ang masterclass nito sa NAS Academy.
Dahil dito, inulan ng pambabatikos ang NAS Academy at si Nas Daily dahil umano sa panggagamit nito sa 104-year-old Filipino tattoo artist at sa mga Pinoy upang kumita.
Ilan pa sa mga Filipino personalities na may online courses sa NAS Academy ay ang award-winning broadcaster na si Jessica Soho; ang world-renowned fashion designer na si Michael Cinco; content creators and online personalities na sina Erwan Heusaff, James Deakin, Mavrick Bautista, at Carlo Ople; ang singer na si Moira dela Torre; ang wedding photographer/videographer na si Jason Magbanua; at pati na rin ang finance motivational speaker na si Chinkee Tan.