Pinuna ng netizens si Jasmine Curtis-Smith dahil tila pinahiya nito ang isang delivery rider na ninakaw raw ang pagkaing ipina-deliver ng aktres.
Sa kanyang Instagram Stories noong September 17, ipinost ni Jasmine ang screenshot ng larawan ng Grab rider na inakusahan nitong pinag-interesan ang pagkaing in-order niya.
Nakasaad sa mensahe ng Kapuso actress: “Hey @grabfoodph, your rider stole my order. He won’t answer texts or calls.”
Naka-tag dito ang ilang news at entertainment sites, kabilang na ang PEP.ph (Philippine Entertainment Portal), at ang kumpanyang Grab Philippines.
Ayon sa netizens, maski blurred ang larawan ng rider, hindi maganda ang ginawa ng aktres.
Komento ng isang netizen: “Shame on these people who act all high and might but upon some slight inconvenience, uses their clout to publicly shame people.”
Sabi naman ng isa: “@jascurtissmith did you just simply took down your post when your ‘stolen’ food arrived? No public apology, for public shaming him just because you can?”
Saad ng isa pang netizen: “Hmmm sana di na ipost, i know di mo nakuha u g fud mo pero pwede nman ireport sa app. What if nagkaprob lang . Naipost at napahiya na si kuya, cguro nman di ganun kabawasan ung halaga nawala sau. Pero ung kahihiyan ng tao if di nman sadya ang nangyari di na maibalik #justsaying”
Tumugon si Jasmine sa netizen.
Ayon sa aktres, tinanggal na niya ang kanyang post dahil sumagot na ang Grab sa kanyang mensahe at inaayos na ang refund ng order niya.
Buong mensahe ni Jasmine: “Hi, I've taken it down and I did simultaneously report it in the app, and via twitter. The Grab team has processed my refund. Wala po sa halaga ang concern. Thank you for your advice and will take this on board next time.”
Tumugon din ang Grab Philippines sa kanyang tweet.
Sabi ng kumpanya: "Hi there, Jasmine! So sorry to hear about this. We've responded to your DM. Rest assured that an investigation is already underway and we'll keep you posted. Thank you."
Wala nang iba pang tweet si Jasmine ukol sa isyu.
Use these Lazada vouchers when you shop or order online. Marami pang ibang coupons dito.
