Noli de Castro, Robin Padilla, Lani Mercado all set for 2022 elections

by Rachelle Siazon
Oct 8, 2021
Noli de Castro files (left) COC a day after resigning from his post as TV Patrol news anchor. Robin Padilla is seen being endorsed by President Rodrigo Duterte (upper photo) when the actor filed his COC. Lani Mercado is joined by her husband Senator Bong Revilla and son Bryan (lower photo) when she filed her COC.
PHOTO/S: Jerome Ascaño / @michaeldelizo Twitter

Sina Noli de Castro, Robin Padilla, at Lani Mercado ang ilan pa sa mga personalidad na naghain ng certificate of candidacy ngayong Biyernes, October 8.

NOLI DE CASTRO

Umaga nang magtungo si Noli sa Commission on Elections upang isumite ang kanyang kandidatura sa pagkasenador.

Si Noli ay batikang broadcaster na nagsilbing senador mula 2001-2004. Naging vice president din siya mula noong 2004 hanggang 2010.

Kagabi, October 7, pormal siyang nagpaalam sa ABS-CBN at sa daily newscast na TV Patrol kunsaan siya ay main anchor upang muling pasukin ang mundo ng pulitika.

ROBIN PADILLA

Kasado na rin ang pagtakbo ni Robin bilang senador. Naghain siya ng kanyang COC sa Comelec nitong Biyernes ng hapon.

Si Robin ay kilalang solid supporter ni Pangulong Rodrigo Duterte.

Duterte endorses Robin Padilla

Continue reading below ↓

Noong Miyerkules, October 6, nanumpa siyang maging kasapi ng PDP-Laban faction na pinamumunuan ni Energy Secretary Alfonso Cusi.

Ngayong Biyernes, magkakasama silang nasa senatorial slate ng PDP-Laban na naghain ng COC, at personal ding sumama sa kanila si Pangulong Duterte.

PDP-Laban faction with Duterte

September 16 nang unang magparamdam si Robin ng plano niyang sumabak sa pulitika sa kauna-unahang pagkakataon.

Continue reading below ↓

Sa kanyang Facebook ay naglabas siya ng video na isama siya sa dasal habang siya ay nag-iisip kung "pelikula o pulitika" ang pipiliin niya.

Sinabi niya roon na binalak niya sanang tumakbong gobernador sa Camarines Norte, pero hindi raw niya tinuloy dahil P150M ang budget sa kampanya.

Pinag-isipan din niya noon na kung kakandidato siyang senador, ang nais niyang isulong ay pederalismo.

REVILLA CLAN

Nitong Biyernes ng hapon ay naghain si Bacoor Mayor Lani Mercado ng kandidatura bilang representative ng Cavite Second District.

Si Lani ay nagsilbing mayor ng Bacoor mula 2016 hanggang kasalukuyan.

Ang asawa ni Lani na si Bong Revilla ay kasalukuyang senador.

Nitong Biyernes din naghain ng COC ang anak nilang si Bryan bilang board member ng Cavite Second District.

Kahapon, October 7, una nang nagpasa ng COC si Cavite Vice Governor Jolo Revilla bilang Cavite First District representative.

Continue reading below ↓

JOED SERRANO

Ang film producer na si Joed Serrano ay naghain din ng COC bilang senador.

Nais niyang isulong ang karapatan ng lesbian, gays, bisexuals, transgender, questioning (LGBTQ+) community.

Siya ay dating bahagi ng defunct youth-oriented show na That's Entertainment.

Joed Serrano files COC for senator

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Noli de Castro files (left) COC a day after resigning from his post as TV Patrol news anchor. Robin Padilla is seen being endorsed by President Rodrigo Duterte (upper photo) when the actor filed his COC. Lani Mercado is joined by her husband Senator Bong Revilla and son Bryan (lower photo) when she filed her COC.
PHOTO/S: Jerome Ascaño / @michaeldelizo Twitter
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results