Hindi napigilan ni Robi Domingo na sagutin ang isang MayWard fan na inakusahan siyang "ginagamit" diumano si Maymay Entrata.
Ang MayWard ang uniname para sa onscreen love team nina Maymay Entrata at Edward Barber.
Kagabi, October 17, ibinahagi ni Robi sa Twitter ang direct message ng MayWard fan na hindi nagustuhan na tila binubuyo raw ng Kapamilya host si Maymay kay Donny Pangilinan.
Nag-ugat ito sa pagbisita ni Donny sa online live stream show nina Robi at Maymay noong October 1.
Nagbagsak din ng gift si Donny para sa livestream nina Robi at Maymay
Tila nabigyan ng kahulugan ang facial expression ni Robi na napatikom ang bibig na waring nagpapahiwatig na nais nitong tuksuhin si Maymay kay Donny.
May impresyon din ang ilan na parang kinilig umano si Robi para kina Maymay at Donny.
Isang MayWard fan ang nagpaabot ng saloobin nito kay Robi.
Sabi ng fan: "Naasar na sayo sir iba mayward kasi ginagamit mo lang daw si mm tapos boto ka kay donny kaya nagdelulu mga iba fans ni mm at nagkaron ng maydon..dapat respect mo naman feeling ni edward..Salamat.."
Ang tinukoy ng fan na "maydon" ay ang shippers nina Maymay at Donny.
ROBI CLARIFES REAL SCORE BETWEEN MAYMAY AND DONNY
Inalmahan ni Robi ang akusasyong "ginagamit" niya si Maymay pati na rin ang isyu sangkot sina Donny at Edward.
Giit ni Robi, wala siyang intensiyong pagtambalin sina Maymay at Donny o kaya naman ay pagsabungin sina Donny at Edward.
Paglilinaw ni Robi: "There's nothing between donny and maymay except friendship. Edward is a close friend of mine as well. Please respect that.
"If you continue to act this way, I will stop producing the show.
"The very reason why I made this is I see potential in maymay and I value inclusivity.
"If you don't see these, then I am a failure and I shall stop."
Bukod sa screenshot ng palitan ng mensahe ni Robi at ng MayWard fan, nilapatan ito ni Robi ng written text na "I've had enough. This has to stop. I value my friends."
MAYMAY DEFENDS ROBI
Sa kabilang banda, dinepensahan ni Maymay si Robi sa mga bumabatikos dito.
Sabi ni Maymay: "Pasensya ka na kuya robs [Disappointed face]
"Gustuhin ko man na matigil ang ganitong eksena pero gusto kong malaman mo kahit anong masamang sabihin ng ibang tao tungkol sayo, mangingibabaw ang katotohanan na busilak ang puso mo kuya at lagi kang may good intention sa mga mahal mo sa buhay.
"Aja kuya!"
Nag-comment ang ilan pang MayWard fans na itinatwa ang MayWard fan na nagpadala ng mensahe kay Robi.
Alam daw nilang mabuting kaibigan si Robi kina Maymay at Edward.
