Si Karolina Bielawska ng Poland ang kinoronahang Miss World 2021.
Ginanap ang grand coronation ng Miss World 2021 sa Coca-Cola Hall sa San Juan, Puerto Rico nitong Miyerkules ng gabi, March 16, 2022 (Huwebes ng umaga, March 17, sa Pilipinas).
Ang first runner-up ay si Shree Saini ng USA, at second runner-up naman si Olivia Yace ng Cote D'Ivoire.
Kabilang sa Top 6 sina Carla Yules ng Indonesia, Karolina Vidales ng Mexico, at Anna Leitch ng Northern Ireland.
Ang pambato ng Pilipinas na si Tracy Maureen Perez ay nakaabot sa Top 13.
Ang iba pang nakapasok sa Top 13 ay sina Do Thi Ha ng Vietnam, Andrea Aguilera ng Colombia, Khadija Omar ng Somalia, Karolína Kopíncová ng Czech Republic, April Benayoum ng France, at Manasa Varanasi ng India.
Sa 70 years ng Miss World ay isang beses pa lang napapanalunan ng Pilipinas ang korona. Nangyari ito noong 2013 nang itanghal na Miss World si Megan Young.
Si Bielawska ang ikalawang Polish na nanalong Miss World; ang una ay si Aneta Kreglicka noong 1989.