Sumabog ang Twitterverse matapos mag-post ni Ariana Grande sa kanyang Instagram story ng video mula sa ginanap na rally nina Vice President Leni Robredo at Sen. Kiko Pangilinan sa Pasig City nitong nakaraang Linggo, March 20, 2021.
Ang journalist na si Jules Guiang ang isa sa mga unang nakapansin sa IG story ni Ariana.
Ani Jules sa kanyang tweet: “Wow #ArianaGrande just posted this on her IG story. And yes I just followed her lol.
“This was taken during the pre-program of #PasigLaban.”
Inilagay niya sa kanyang tweet ang link ng IG post ni Ariana.
Caption ni Ariana sa kanyang IG post na may short video ng libu-libong taong inaawit ang kanyang kantang “Break Free” at puro naka-pink sa ginanap na rally: “I can’t believe this was real.”
Dagdag pa niya: “I love you more than words.”
Pinatunayan naman ng ibang netizens na “confirmed” ngang legit ang IG post ni Ariana.
Sa Philippine trending tweets naman, nag-number 1 ang Ariana Grande, sumunod ang #PasigLaban at ikatlo ang #PasigIsPink.
