Ikinalungkot ng netizens lang latest post ng content creator na si Zeinab Harake sa Twitter nitong Miyerkules, April 13, 2022.
Sa kanyang Twitter post, ibinahagi ni Zeinab na siya ay nakunan noong Lunes, April 11, at hindi nag-survive ang kanyang second baby.
Makikita rin sa kanyang tweet ang litrato kung saan kasama niya ang panganay na anak na si Baby Bia habang tinitingnan ang mga labi ng baby boy niya na pinangalanan nitong Moon.
Ang buong tweet ni Zeinab: "04-11-22
"My baby boy rest kana mahal na mahal ka namin ni ate bia mo bantayan at palakasin mo kami palagi di ka mawawala sa puso namin moon.
"be our forever angel mommy loves you so much. [emoji]"
Ilang araw nang nag-aalala ang fans ni Zeinab matapos siyang isugod ito sa ospital.
Hindi ibinahagi ni Zeinab sa kanyang social media followers ang pingdaraanan niya ng mga panahong yun, ngunit unti-unti nagkaroon ng linaw ang mga huling post nito sa kanyang Twitter.
Noong Lunes, April 11, bandang 10:43 a.m., ay nakapag-tweet si Zeinab ng kanyang dasal. Sabi nito, "Lord inaalay ko na sa inyo lahat [emoji]"
Isang araw matapos ito, ibinahagi naman ni Zeinab ang kalungkutan matapos nitong makunan. Tweet niya, "Yung luha ko papunta ng dugo potaena wala nakong maiyak."
Wala pang announcement si Zeinab tungkol sa kanyang ikalawang pagbubuntis ngunit nagpahiwatig na rin siya sa social media noong January 25, 2022.
"moon," simpleng tweet nito na may smiling emoji.
Ipinarating naman ng fans ni Zeinab ang kanilang pakikiramay sa Twitter at comments section ng post nito sa Instagram.
Hiniling din ng fans na huwag munang usisain si Zeinab ng mga katanungan lalo't nagdadalamhati pa ito.
READ MORE: