Nagbubunyi ang mga tagasuporta at tagahanga ni Herlene "Hipon Girl" Budol dahil kabilang siya sa official Top 40 candidates ng Binibining Pilipinas 2022.
Read: Herlene Budol, nag-transform sa litrato niya para sa Binibining Pilipinas 2022
Naganap ang final screening para sa 58th edition ng Binibining Pilipinas sa New Frontier Theater.
At ngayong gabi, April 22, 2022, inilabas ng Binibining Pilipinas Charities Inc. (BPCI) ang listahan ng mga opisyal na kandidata.
Si Herlene, ang ex-Pinoy Big Brother housemate na si Diana Mackey, at ang former Viva actress na si Stacey Gabriel ang tatlo sa mga showbiz personality na nabigyan ng pagkakataon para magkaroon ng beauty title mula sa Binibining Pilipinas.
Contestant din sa 58th edition ng Binibining Pilipinas si Roberta Tamondong, ang Miss Eco Teen International winner noong 2020.
Sa 40 official candidates, ang pagsali ni Herlene sa Binibining Pilipinas 2022 ang tinututukan dahil sa kanyang popularidad sa kasalukuyan at sa paghingi ng dasal mula sa mga tagahanga niya para makasali siya sa nabanggit na prestigious beauty pageant.
Matindi ang pressure sa paglahok ni Herlene sa Binibining Pilipinas dahil sa mga unsolicited advice na pagbutihin niya ang kanyang communication skills, bilang hindi sapat na puhunan ang katangkaran at ang kagandahan para manalo at magkaroon ng korona.
Ang pagpasok ni Herlene sa Top 40 candidates ng Binibining Pilipinas ang kanyang unang hakbang para matupad ang pangarap niyang a maging beauty queen.
Ang Bb. Pilipinas-International, Bb. Pilipinas-Grand International, Bb. Pilipinas-Intercontinental, at Bb. Pilipinas Globe ang mga beauty title na ipamamahagi ng BPCI.
Ang mga sumusunod ang magtutunggali para sa mga nasabing karangalan:
1. Anna Valencia Lakrini
2. Anne De Mesa
3. Chelsea Fernandez
4. Christine Juliane Opiaza
5. Cyrille Payumo
6. Diana Mackey
7. Diana Pinto
8. Eiffel Rosalita
9. Elda Louise Aznar
10. Esel Mae Pabilaran
11. Ethel Abellanosa
12. Fatima Kate Bisan
13. Gabrielle Basiano
14. Gracia Elizabeth Mendoza
15. Graciella Lehman
16. Gwendoline Meliz Soriano
17. Iman Franchesca Cristal
18. Ina Patricia Malaluan
19. Jane Darren Genobisa
20. Janine Navarro
21. Jashmin Dimaculangan
22. Jasmine Omay
23. Jeriza Uy
24. Jessica Rose Mcewen
25. Joanna Day
26. Joanna Ricci Alajar
27. Karen Laurrie Mendoza
28. Krizzia Lynn Moreno
29. Leslie Avila
30. Ma. Francesca Taruc
31. Mariella Esguerra
32. Maru Justinne Punsalang
33. Natasha Ellema Jung
34. Nicole Borromeo
35. Herlene Nicole Budol
36. Nyca Mae Bernardo
37. Patricia Go
38. Roberta Tamondong
39. Stacey Daniella Gabriel
40. Yllana Marie Aduana
