Hindi napigilan ni Jake Cuenca, 34, ang maiyak matapos isapubliko na totoong break na sila ni Kylie Verzosa, 30.
Read: Jake Cuenca confirms breakup with Kylie Verzosa
Tatlong taon silang magkarelasyon.
Nitong pandemya ay may panahong magkasama rin silang nanirahan sa isang bubong.
Bago mag-alas singko ng hapon ngayong Sabado, April 23, 2022, nag-post si Jake sa Instagram ng pahayag niya.
Makalipas ang higit-kumulang 30 minuto, may sumunod siyang Instagram Story ng litrato niyang umiiyak.
Makikitang tumulo ang luha niya hanggang sa kanyang leeg. Naka-topless si Jake sa litrato.
Walang caption ang photo pero hindi malayong may kaugnayan ito sa breakup nila ni Kylie.
Binanggit ni Jake sa kanyang IG post na mabigat sa puso niya ang sabihing bigo ang pag-iibigan nila ni Kylie.
Babaunin daw niya ang mga magagandang alaala sa loob ng tatlong taon nilang relasyon.
JAKE'S CRYPTIC POSTS
Ngayong Sabado, April 23, may iba pang IG Stories si Jake na quote cards.
Isa rito ay nagsasabing "Let them keep what they took from you." Nilagyan niya iyon ng crying emoji.
Sinundan niya iyon ng kantang "Let It Go" ni James Bay, isang hugot song tungkol sa couple na nag-iibigan noon, pero nauwi sa awayan at pagkakanya-kanya ng buhay.
Bahagi ng lyrics nito: "So come on, let it go / Just let it be / Why don't you be you /
And I'll be me?
"Everything that's broke / Leave it to the breeze / Let the ashes fall / Forget about me."
Tila pinipilit naman ni Jake maging positibo ang disposisyon sa kabila ng pinagdadaanan.
Narito ang isa pang quote card mula sa kanyang IG Story na nilagyan niya ng prayer emojis:
TEARY-EYED KYLIE VERZOSA
Maging si Kylie ay tila hirap din sa hiwalayan nila ni Jake.
Noong April 19, 2022, hindi napigilan ni Kylie na maiyak sa It's Showtime kunsaan isa siya sa mga hurado ng segment na "Sexy Babe."
Agaw-pansin na napaisip si Kylie nang magbigay ng payo si Vice Ganda tungkol sa mga couple na nag-aaway.
Ayon kay Vice, "May mga pagkakataon na kahit meron ka pang pagmamahal, kailangan mo nang tapusin ang relasyon na ito."
Dito na napaluha si Kylie, na hindi umamin noon kung totoong may pinagdadaanan itong breakup.
Read: Kylie Verzosa gets emotional about relationship question amid rumored breakup with Jake Cuenca
Kahapon, April 22, 2022, sa presscon ng pelikulang Ikaw Lang Ang Mahal, sinubukang tanungin ng press si Kylie kung bakit siya umiyak sa It's Showtime at kung break na sila ni Jake.
Pero sa halip na sagutin ang tanong, pakiusap ni Kylie, "Sana po, huwag niyo na lang pong tanungin."
Pinagbigyan at nirespeto ito ng entertainment press.
Read: Kylie Verzosa evades question about rumored breakup with Jake Cuenca
