Naniniwala si Miss Universe Philippines 2022 Celeste Cortesi na hindi tatablan ng sinasabing “sumpa” ng korona ang relasyon nila ng kanyang boyfriend.
Ang boyfriend ng Filipino-Italian beauty queen ay si Mathew Custodio, isang Filipino-British at national football team member.
Matapos manalo ni Celeste ng national crown nitong April 30, 2022, may ilang pageant fans ang nag-post sa social media na sana raw ay hindi tablan sina Celeste at Mathew ng “curse” ng crown.
Nagkaroon ng ganitong-haka-haka kasunod ng serye ng breakups ng ilang Miss Universe Philippines titleholders nang lumaban sa Miss Universe pageants.
Ito ang nangyari noon kina Miriam Quiambao, Janine Tugonon, Catriona Gray, Rabiya Mateo, at Bea Luigi Gomez.
CELESTE REACTS TO THE ALLEGED CURSE
Nagbigay ng opinyon ukol dito si Celeste nang matanong ng PEP.ph (Philippine Entertainment Portal) sa PLDT Home meet-and-greet nitong Biyernes, May 6, 2022.
Ayon kay Celeste, tinatawanan lamang nila ni Mathew ang sinasabing “sumpa.”
“When we read these comments, we really just laugh about it because we know that it’s not gonna happen.
“The fact that I am Miss Universe Philippines [proves that the curse] will never get in the way of our relationship.
“It will just make it stronger.
“So, I just wanna say to these people, there is a curse apparently, but it’s not gonna work on us,” kampanteng sagot niya.
Dugtong ni Celeste, sa buong journey niya ay laging nakaalalay ang kanyang kasintahang si Mathew.
“Mathew has been so supportive during my journey, that’s just so amazing.
“Whenever I was stressed, whenever I was going through something, he would always be there to support me and understand.”
Kahit daw sa kanyang pagkapanalo ng national crown, patuloy sa pagiging supportive sa kanya ang boyfriend.