Inamin ni Ellen Adarna, 34, na laking-ginhawanang ipinatanggal na niya ang kanyang breast implants.
Sa Instagram Story niya noong May 8, 2022, ipinakita ni Ellen ang litrato ng silicone shells na tinanggal sa kanyang boobs. Ipinatong niya ang mga ito sa kanyang kandungan.
Caption ni Ellen: "Goodbye breast implant illness. I can now breathe properly.
"Goodbye chronic back pain, fatigue, and brain fog."
Ang tinutukoy niyang "breast implant illness" ay ang sintomas na maaaring maranasan pag sumailalim ng reconstructive surgery sa bahagi ng katawang ito.
Hirit pa ni Ellen: "It was fun while it lasted..."
Ipinakita rin ni Ellen ang short video clip kunsaan itinuro niya ang marka sa taas na bahagi ng kanyang dibdib na karaniwang nilalagay pag surgery.
Kasama niya ang anak na si Elias sa video na kunwa'y nagreklamo pa raw sa bagong size ng kanyang dibdib.
"But there's still a little," hirit pa ni Ellen sa anak.
Halatang hindi isyu iyon kay Ellen base na rin sa kuwelang pagbahagi niya ng dinanas na medical procedure.
DEREK RAMSAY'S CAKE WITH WITTY DEDICATION
Kuwela naman ang reaksiyon ng mister ni Ellen na si Derek Ramsay.
Ipinakita ni Ellen na binigyan siya ng cake ni Derek na may dedication na "I MISS YOUR OLD BOOBS."
"OMG @ramsayderek07," caption ni Ellen na aliw na aliw base sa kanyang laughing emojis.
