Tila unti-unti nang umaamin si Julie Anne San Jose na may espesyal na pagtingin din siya para kay Rayver Cruz.
READ: Rayver Cruz tells Julie Anne San Jose he's willing to wait for her
Kahapon, May 19, 2022, hayagang sinabi ni Rayver sa Twitter na "crush" niya si Julie Anne.
Nag-post ang binata ng picture ni Julie Anne mula sa party at nilagyan iyon ng caption ng "crushee" at blushing emoji na halatang kinikilig.
Sinuklian iyon ni Julie Anne ng pag-amin na may gusto rin siya kay Rayver.
Ni-retweet ni Julie Anne ang post ni Rayver at sinabing "hi crush" at heart emoji.
Halatang kinilig si Rayver na nag-reply ng melting face at holding back tears emojis.
"Have fun in Canada! Come back home wait kita," tweet pa ni Julie Anne.
Sagot uli ni Rayver, "Yes balik ako agad hehe." May kasama pa iyong flying kiss at melting at blushing emojis.
Nasa Canada ngayon si Rayver dahil bahagi siya ng concert shows doon nina Sam Milby at Miss Universe 2018 Catriona Gray.
RAYVER ADMITS JULIE ANNE IS "MY INSPIRATION"
Sa mismong kaarawan ni Julie Anne noong May 17, 2022, nag-post din si Rayver sa Twitter ng litrato nilang kuha noong Pasko.
"Happiest birthday to the one and only Asia’s limitless star and my everyday inspiration @myjaps," tweet ni Rayver.
Nagpasalamat si Julie Anne at tinawag
na "pumps" o pumpkin si Rayver. Pumpkin ang endearment ni Julie Anne kay Rayver. Spideyness at "ALS" o Asia's Limitless Star ang madalas namang itawag ni Rayver kay Julie Anne sa kanilang mga convo sa social media.
Base rito, panahon na lang ang makakapagsabi kung kailan magiging opisyal na magkarelasyon ang dalawa.
Sa 28th birthday celebration ni Julie Anne noong May 16, 2022, umamin si Rayver na mahal niya ang Kapuso singer-actress.
Handa rin daw siyang hintayin ang dalaga kung kailan man ito magiging handang pumasok sa relasyon.
Naging malapit na magkaibigan daw sila simula't sapul nagkatrabaho sila sa GMA-7, at malinaw na umusbong iyon sa higit sa pagkakaibigan nang maging single si Rayver.
Huling nakarelasyon ni Rayver ay si Janine Gutierrez, at nagkahiwalay sila noong October 2021.
