Hindi nagpapagil sa pagpapakita ng sweetness sa isa't isa sina Cassy Legaspi at Darren Espanto sa 21st birthday party ng binata.
Si Cassy ay Kapuso actress, habang si Darren ay Kapamilya singer.
Pero kahit magkaiba ng network at abala sa kani-kanilang career ay nananatili ang pagiging malapit nila sa isa't isa.
Sa advanced birthday party ni Darren noong Biyernes, May 20, 2022, isa sa mga inabangang bisita ay si Cassy. Ngayong Martes, May 24, ang mismong kaarawan ni Darren.
Sa Instagram Story ni Cassy noong May 21, sinabi niyang galing pa siya sa taping, pero nagmadali siyang pumunta sa party ni Darren.
Kalakip nito ay ang mga litrato nila kunsaan nakaakbay si Cassy kay Darren.
Dagdag pa ni Cassy, "Greet na lang kita kapag 24 na."
Ni-repost ni Darren ang pictures nila at sinabing, "I appreciate you sooo much... kahit di ka sumunod sa hashtag."
DOUBLE COUPLE SQUAD?
Isa pang highlight sa party ay ang pagsasama nina Darren at Cassy pati nina Mavy Legaspi at Kyline Alcantara.
Ibinahagi ni Darren ang group picture nila three years ago at group picture nila sa party nitong 2022.
Waring ipinahiwatig sa litrato na solid ang kanilang squad.
Sa litrato ay makikitang mahigpit ang yakap nina Darren at Cassy ang isa't isa, sanhi para kiligin ang fans ng kanilang tambalan na kilala bilang CassRen.
Magkayakap din sina Mavy at Kyline na magka-love team sa GMA-7.
CASSY MEETS DARREN'S SISTER
Hindi rin nakaligtas sa CassRen fans ang pagkikita ni Cassy at nakababatang kapatid ni Darren na si Lynelle.
Si Lynelle ay nakabase sa Canada kasama ng mga magulang at kasalukuyang nagbabakasyon dito sa Pilipinas.
Ipinost ni Lynelle ang pictures nila ni Cassy sa Instagram.
Noon pa man ay bukas si Lynelle sa pagsuporta kina Cassy at Darren.
Bahagi ng caption ni Lynelle, "Finally got to meet @cassy."
Sagot ni Cassy, "I love how we screamed as soon as we saw each other… Love you Lynelle!!!"
Consistent sina Darren at Cassy sa pagiging bukas kung gaano sila kaespesyal para sa isa't isa.
Pero sa tuwing natatanong sila sa estado ng kanilang relasyon, pinaninindigan din ng dalawa na prayoridad nila ang kanilang trabaho at hindi sila nagmamadali pagdating sa love life.
RELATED STORIES: