Tatlong araw pagkatapos ianunsiyo ng mister niyang si Jason Hernandez ang desisyon nilang maghiwalay, binasag na rin ng singer na si Moira dela Torre ang kanyang katahimikan.
Ngayong Biyernes ng gabi, June 3, 2022, naglabas ng official statement si Moira sa pamamagitan ng social media.
Ayon kay Moira, tanging ang mga nakakaalam ng kanyang kuwento ang makakakita ng mahabang pagdadalamhati at paghihilom na kailangan niyang harapin dulot ng paghihiwalay nila ni Jason pagkatapos ng tatlong taong pagsasama bilang mag-asawa.
Iginiit ni Moira na hindi niya kailanman pinagtaksilan si Jason.
Ito ay kaugnay ng kumalat na Facebook post kung saan iniuugnay siya sa kapwa singer-songwriter na si Zack Tabudlo, at pinalalabas na siya ang nagtaksil.
Pahayag ni Moira, "In spite of the pain I'm experiencing, let me set the record straight. While our marriage was not perfect, I have stayed true to my vows and I have never cheated on Jason.
Hindi raw madali ang pinagdadaanan ng kani-kanilang pamilya ni Jason. Ang nais lang daw niya ay tapusin ang mga espekulasyon kung ano ang nangyari sa kanila ni Jason.
Patuloy ni Moira, "Though we're no longer together, it still hurts to see fabricated stories being told about us — most of which are so far from the truth."
Dagdag pa niya, "The both of us still have a long way to go when it comes to healing and we ask for respect during this difficult time."
Narito ang kabuuang pahayag ni Moira:
JASON ANNOUNCES SPLIT WITH MOIRA
Noong Martes, May 31, inilabas ni Jason sa kanyang social media accounts ang joint statement nila ni Moira na nagsasaad sa desisyon nilang tapusin ang kanilang pagsasama bilang mag-asawa pagkatapos ng tatlong taon.
Inamin din ni Jason na hindi siya naging tapat noong nagsasama pa sila.
Kasunod nito ang kanyang paghingi ng paumanhin sa mga taong nasaktan niya.
Ikinasal sina Moira at Jason sa isang garden ceremony sa Tagaytay noong January 14, 2019.