Hindi nagpaawat si Paolo Contis sa pagpapakita ng paggiliw sa rumored girlfriend niyang si Yen Santos.
READ: Lian Paz details Paolo Contis's lack of financial support; gives update about annulment case
Noong June 13, 2022, ipinagmalaki ni Paolo na ipinagluto siya ng kaldereta ni Yen base sa litratong ipinost niya sa kanyang personal Facebook account.
Makikita rito ang selfie niya kasama ang microwavable container para sa rice at caldereta.
"Kaldereta! Pero brown rice! thank you Lilieyen Santos," saad sa caption ni Paolo.
Lilien ang buong first name ni Yen sa tunay na buhay.
Natuwa naman si Yen dahil na-appreciate ni Paolo ang kanyang effort.
Sabi ni Yen kalakip ng lovestruck emoji, "my pleasure."
Humirit si Paolo ng sunod niyang request na lutuin ni Yen, "adobo next??"
Natawang biro ni Yen, "abusado ka naman."
Sagot ni Paolo, "grabe ka naman! Pagod agad???"
Hindi ito ang unang pagkakataon na isinapubliko ni Paolo ang pagsinta niya kay Yen.
Minsan nang naiulat ang romantic date night nila nang mag-birthday si Yen, pati na rin ang mga pahiwatig nilang patuloy ang komunikasyon nila.
Noong kasagsagan ng campaign sorties nitong 2022 elections, humirit si Paolo sa kanyang Facebook na sa susunod ay isasama na niya si Yen sa kanyang hometown sa Bicol.
Huli rin silang namataang magkasamang magka-date sa mall noong Marso 2022.
Nagkakilanlan sina Paolo at Yen nang magkatambal sila sa pelikulang A Faraway Land, na syinut sa Faroe Islands, Denmark mula November hanggang December 2020.
Huling bahagi ng August 2021 nang mag-viral ang pamamasyal nina Paolo at Yen sa Baguio at Pangasinan.
That same month naghiwalay si Paolo at partner for six years na si LJ Reyes.
Pero idiniin noon ni Paolo na hindi si Yen ang dahilan ng breakup nila ni LJ.
Hanggang sa kasalukuyan ay hindi direktang sinasabi ni Paolo kung ano ang real score sa pagitan nila ni Yen.
RELATED STORIES:
- LJ Reyes alludes to money issue, third party in breakup with Paolo Contis
- Paolo Contis confirms birthday date with Yen Santos; are they now more than friends?
- Paolo Contis on breakup with LJ Reyes: "Naging marupok at gago ako."
- Paolo Contis, may komento sa annulment case nila ni Lian Paz at akusasyong pinababayaan niya ang mga anak