Pumalag si Heart Evangelista sa isang troll na tumawag sa kanyang "gold digger" sa Twitter ngayong araw, June 20, 2022.
Buong post ng troll: “Si @heart021485 is a gold digger is a fact”
Mabilis itong napansin ni Heart at ni-repost niya ito.
Ayon sa Kapuso star, hindi niya kailangang sumandal sa iba upang mabuhay.
Isa raw siyang babae na maaring gumawa ng mga bagay-bagay na ikauunlad niya basta nanaisin nito.
Buong mensahe ni Heart, “I don’t need anyone to survive. I am a woman and a woman can be or do anything she wants if she wills it. Remember I said that.”
Si Heart ay kasal kay Senator-elect Chiz Escudero.
Marami naman ang nagtanggol kay Heart sa comments section.
Ayon sa isang netizen, baka “goal digger” ang Kapuso fashion icon.
Buong komento nito: “Baka goal digger. Heart never asked anything from any man but if she asks from his husband, thats because they are husband and wife not because she's a gold digger."
Mungkahi naman ng isa pa, pakainin daw ang troll sa sikat na restaurant na pagmamay-ari ng pamilya ni Heart para tumalino.
Hindi na bago kay Heart na sumasagot sa bashers sa "class" na pamamaraan kapag below the belt na ang mga komento nila.
Noong October 2021, binuweltahan din ni Heart ang isang basher na tumawag sa kanyang "baog."
Hindi ito nakaligtas sa paningin ni Heart at isang maikli ngunit matalim na sagot ang pinakawalan ng Kapuso actress.
Buwelta niya: “Ulol—the only word you can understand.”
Read: Heart Evangelista claps back at basher who called her “baog”
