Naghimutok si Dennis Padilla dahil hindi umano siya binati ng kanyang tatlong anak kay Marjorie Barretto noong Father’s Day, June 19, 2022.
Sa burado nang Instagram post ngayong araw, June 22, halatang dismayado si Dennis sa mga anak na sina Julia, Claudia, at Leon Barretto kahit idinaan niya sa biro at lambing ang kanyang mensahe.
Unang ibinahagi ng komedyante ang lumang larawan nila ng anak na lalaki na si Leon.
Sabi ni Dennis sa caption: “Leon… You forgot to greet me last sunday … hehe… Love you ingat… [praying hands, heart emojis]”
Kasunod nito ang mensahe naman ni Dennis sa dalawang babaeng anak na sina Julia at Claudia.
Sabi niya, kalakip ng larawan nina Julia at Claudia: “Miss you both… You forgot to greet me last Sunday… Hehe! Love you… God bless you more [praying hands, heart emojis]”
Pareho nang burado ang dalawang posts na ito sa Instagram account ni Dennis, ngunit maagap ang ilang netizens at na-screenshot ang kanyang post.
Pati ang News5 ay nagbahagi rin nito sa kanilang Facebook page.
Ilang netizens ang nakisimpatiya kay Dennis sa kanyang burado nang social media posts.
Hindi ito ang unang pagkakataong nagparamdam si Dennis ng kanyang sama ng loob sa mga anak.
Noong July 2014, labis na ikinasama ng loob ni Dennis ang plano noon ni Julia na huwag nang gamitin ang totoong apelyido niyang Baldivia.
Labis na nasaktan si Dennis sa pagpetisyon ni Julia sa korte upang Barretto na ang gamitin niyang apelyido.
Read: Julia Barretto camp explains filing of change of name; Dennis Padilla files Motion To Intervene
December 2014, sa Christmas party naman ng ng Dreamscape—isang production unit ng ABS-CBN—hindi raw pinansin ni Julia si Dennis na parehong imbitado sa pagtitipon.
Read: PEP EXCLUSIVE. Dennis Padilla snubbed by daughter Julia Barretto in a Christmas party
February 2015, nagdesisyon si Julia na makipag-ayos sa ama nang personal niya itong puntahan sa isang studio sa ABS-CBN upang maplantsa ang hindi nila pagkakaintindihan.
Read: PEP SCOOP. Julia Barretto makes first move to reconcile with dad Dennis Padilla