Nakalimutan man ng iba pa niyang anak, mukhang masaya na rin si Dennis Padilla sa pagdiriwang niya ng Father’s Day noong Linggo, June 19, 2022, dahil ang apat niyang anak sa iba pang babae ay hindi naman nakalimutang batiin siya.
Sa Instagram, ibinahagi ni Dennis kagabi, June 22, ang mga pasasalamat niya sa apat na anak na pinapahalagahan ang kanyang pagiging ama sa kanila.
Una niyang ipinost ang mga larawan nina Gavin at Maddie Padilla, mga anak niya sa kasalukuyang partner na si Linda Gorton.
Sabi ni Dennis (published as is), “Gavin and Maddie... Miss you both... Ty sa father's day greetings... Love you mga anak [praying hands, heart emojis]”
View this post on Instagram
Kasunod nito ay ang handwritten card na sinulat ni Maddie.
Nakalagay dito: “Happy Father’s Day, you'r[e] the best papa in the whole wide world.”
Mensahe ni Dennis kay Maddie, “Love you Maddie... Ty sa greetings [praying hands, heart emojis]”
View this post on Instagram
Nag-post din si Dennis ng lumang larawan niya kasama ang panganay at ikalawang anak niya sa dating partner na si Monina Gatus: sina Diane at Luis Padilla.
Sabi niya sa mga anak (published as is), “dianegbalmes @luweezyyyy salamat sa father's day greetings nyo... Love you mga anak [praying hands, heart emojis]”
View this post on Instagram
DENNIS ON JULIA, CLAUDIA, AND LEON FORGETTING TO GREET HIM
Lumikha ng ingay kahapon, June 22, ang pag-post ni Dennis ng mensahe sa Instagram na tila nagsasabing siya ay nagtatampo sa mga anak niya sa dating partner na si Marjorie Barretto.
Unang ibinahagi ng komedyante ang lumang larawan nila ng anak na lalaki na si Leon Barretto.
Sabi ni Dennis sa caption: “Leon… You forgot to greet me last sunday … hehe… Love you ingat… [praying hands, heart emojis]”
Kasunod nito ang mensahe naman ni Dennis sa dalawang babaeng anak na sina Julia at Claudia Barretto.
Sabi niya, kalakip ng larawan nina Julia at Claudia: “Miss you both… You forgot to greet me last Sunday… Hehe! Love you… God bless you more [praying hands, heart emojis]”
Read: Dennis Padilla laments not getting Father’s Day greeting from children Julia, Claudia, Leon
Ngunit, binura agad ni Dennis ang pahaging kina Julia, Claudia, at Leon Barretto.
Wala pang balita kung nakarating na ito sa mga anak at kung nagkausap na sila.
