Nagpahayag ng suporta si Ken Chan para sa ka-love team na si Rita Daniela kasunod ng pag-amin ng singer-actress na nagdadalantao siya.
Inanunsiyo ni Rita ang tungkol sa kanyang pagbubuntis sa Kapuso musical-variety show na All-Out Sundays ngayong Linggo, June 26, 2022.
Read: Rita Daniela confirms pregnancy
Sa pamamagitan ng Twitter at Instagram ngayong Linggo ng gabi, tiniyak ni Ken na lagi siyang maaasahan ni Rita bilang kaibigan na nagmamalasakit.
Mensahe ni Ken para kay Rita at sa dinadala nito: "Miracles are worth their weight in gold, if not many times more.
"I’m here if you need anything at all, as a friend, as someone you can always rely on.
"I pray to God for the utmost positivity, protection, support and love to surround you and your baby.
"As a friend, as someone who cares, I’ll always be here for you no matter what."
Pinuri rin ni Ken ang pagiging kamangha-mangha at malakas ni Rita.
Aniya, "You’ve always been incredible and strong, and certainly, You.
"You’ve got this, and without a doubt, you will only continue on to be that much more incredible, always.
"I am so proud of you @missritadaniela"
Taliwas sa inaakala ng iba, hindi si Ken ang ama ng ipinagbubuntis ni Rita.
Marami ang umaasang magkatuluyan sina Ken at Rita mula nang pumutok ang tambalan nila sa Kapuso afternoon drama series na My Special Tatay (2018-2019).
Nasundan ang kanilang pagtatambal sa mga teleseryeng One of the Baes (2019-2020) at Ang Dalawang Ikaw (2021), at sa pelikulang Huling Ulan Sa Tag-araw (2021).
Hindi pa ipinapakilala ni Rita sa publiko ang ama ng kanyang dinadala.
