Halatang nag-enjoy sina Cassy Legaspi at Darren Espanto sa kanilang date night kasama ang nakababatang kapatid ni Darren na si Lynelle.
Read: Cassy Legaspi, Darren Espanto get cozy at Kapamilya singer's party
Nanood sila ng animated movie na Minions The Rise of Gru noong Lunes ng gabi, June 27, 2022.
Sa loob ng sinehan ay masayang kumuha si Darren ng video nila ni Cassy.
Biniro pa ni Darren si Cassy na kung kailan siya nag-video ay saka "tumalikod" ang dalaga.
Sabi naman ni Cassy nang ni-repost niya ang video ni Darren, "sorry... Lynelle and I were making chika [laughing emoji]."
Nasa tabi ni Cassy si Lynelle, na sadyang malapit ang loob sa Kapuso young actress.
Kahit kasi nasa Canada pa noon si Lynelle ay nagkakausap na ang dalawa dahil kay Darren.
Sa hiwalay na video na ipinost ni Cassy, panay pa rin ang kulitan nilang tatlo
Ani Cassy, "hyped for movie time" kaya ganoon na lang kataas ang energy nila.
Sa labas ng sinehan ay may kuha ring litrato sina Darren at Cassy.
"Wow, we took a pic OUTSIDE of an elevator this time," saad sa caption ni Darren.
Mayroon kasi silang kuha ni Cassy sa loob ng elevator noong May 2021.
Kasama rin nina Darren at Cassy ang singer at dating The Voice Kids contestant na si Elha Nympha.
Magkaiba man ang TV network, nananatiling matatag ang samahan nina Cassy at Darren.
Hindi naman nakaligtas sa fans nina Cassy at Darren na matching ang suot nilang denim jackets.
Hanggang sa kasalukuyan ay hindi direktang sinasabi ng dalawa kung higit na sa pagkakaibigan ang ugnayan nila.
Pero consistent sila sa pagsasabing espesyal ang turing nila sa isa't isa.