Patuloy pa ring sumasailalim si Kris Aquino sa iba’t ibang pagsusuri sa Amerika para sa kanyang kakaibang mga karamdaman.
Nasa Amerika pa rin si Kris kasama ang dalawa niyang anak na sina Joshua at Bimby Aquino.
Noong Sabado ng gabi, August 20, 2022, nakapanayam sa forum ng Banyuhay Aotearoa si Ballsy Aquino, panganay na kapatid ni Kris, para sa paggunita ng kamatayan ng kanilang amang si dating Senador Benigno “Ninoy” Aquino kinabukasan, Linggo, August 21.
Sa dulong bahagi ng kanilang pag-uusap, kinumusta ng moderator kay Ballsy ang kalagayan ni Kris.
Ayon kay Ballsy, na-diagnose ng dalawa pang autoimmune diseases si Kris, karagdagan sa naunang dalawang diagnoses dito.
Pahayag niya, “When she left, she had two autoimmune diseases. I think now there are four.”
Sa ngayon daw, ang medical team ni Kris ay patuloy pa rin sa pagtuklas ng tamang gamot sa mga karamdaman nito dahil hindi epektibo ang iba sa dami ng allergies ng TV host.
Ani Ballsy, “Unfortunately, they’re just still trying to give her the right treatment, the correct treatment.
“She has so many allergies, that all the medicines that they’ve been trying haven’t been working or maybe they did, but then the side effects, they were not too happy about because, as I said, she has so many allergies—from food to the plants to medicines."
Pag-amin ni Ballsy, may mga panahong nais nang sumuko si Kris sa kanyang karamdaman pero lagi raw itong nabibigyan ng panibagong lakas kapag nakikita ang mga larawan ng dalawang anak.
“But the past days, she has been in good spirit and she says that there times, because there was a time [when] she was really feeling that she was about to give up because she was having such a difficult time.
“But then, when she looks at the pictures of her sons or when she sees them, then she knows she still has to fight.”
Special boy raw kasi si Joshua at menor de edad pa lamang si Bimby.
Saad ni Ballsy, “So that’s keeping her, her fighting spirit even stronger. And thanks to many prayers, thanks to your prayers.
"At least the fighting spirit is still there and she met a new doctor who I think has a team of other doctors who might be able to help her.”
At sa pagkakatuklas ng dalawa pa nitong sakit, kailangan pa raw magpalakas ni Kris para maagapan ito ng mga gamot.
Ani Ballsy, “With all the tests that they do in the U.S., tests that we don’t have here, maraming naglalabasan pa rin, e, pero hopefully she’ll get better.
“She’s not even 90 pounds now, she’s like 85 or 86. For the other treatments that they want to try, she has to put on more weight. She has to get a little bit stronger.”
Lumipad si Kris at mga anak papuntang Boston, Massachusetts, noong June 3, 2022.