Hindi nakapagtimpi si Dennis Padilla at siya na mismo ang humiling kay ABS-CBN broadcaster Karen Davila na kapanayamin siya nito para sa kanyang panig.
Kaugnay ito ng mga inihayag ng anak ni Dennis na si Julia Barretto sa vlog ni Karen na ipinost sa YouTube noong September 15, 2022.
Sa nasabing interview, inamin ni Julia na hindi sila on speaking terms ng amang si Dennis dahil paulit-ulit na lang daw ang pangyayaring ayos-bati sa pagitan nila.
Pahayag ng aktres, “I'll be very honest, we have not spoken, and it's because there's just so much fear inside me now, if I'm being very open.
“I’m just really scared because I feel, like, over the years, it’s been a cycle of making up and getting hurt and then making up and then getting hurt.
“You know, I kinda just want to huminga lang muna from that cycle.
"And, you know, I've just been praying also na, I don’t know... maybe in God's time and way na, you know, mag-meet kami in the middle without having to get hurt again.”
Hindi pa rin daw handang patawarin ni Julia ang ama.
Sa Instagram post ni Karen tungkol sa panayam niya kay Julia, nagkomento si Dennis kahapon, September 18.
View this post on Instagram
Mensahe ng komedyante sa broadcaster, “Karen dapat malaman mo side ko naman para clear… Nagtext ako”
Dagdag pa niya, “Karen… interview mo ko para fair… Para di bias… Nagtext ako syo pakireply ty”
Hindi naman siya sinagot nito, kaya komento niyang muli, “Karen nagtext ako paki reply… Ty”
Tanong pa ni Dennis, “When mo ko interview??? Para klaro”
Pero binura rin ni Dennis ang kanyang mga komento sa post ni Karen.
Sa isa pang buradong post ni Dennis sa Instagram, sinagot siya ni Karen at sinabihang nag-text na ito sa kanya.
