Tawang-tawa si Carmina Villarroel sa reaksiyon ni Sharon Cuneta tungkol sa pagtawag ng anak niyang si Mavy Legaspi sa Megastar bilang “Ms.”
Read: Sharon Cuneta lovingly calls out Mavy Legaspi for calling her "Ms."
Sa comments section ng Instagram post ni Sharon tungkol sa anak na si Miel Pangilinan ngayong Miyerkules, November 23, 2022, nagpaabot ng mensahe si Carmina.
Ayon sa Kapuso actress-TV host, alam ng kambal niyang anak na sina Mavy at Cassy Legaspi kung ano ang turingan nila ng Kapamilya star.
Nagpaabot din ng pagbati si Carmina kay Miel, na tampok sa cover ng isang magazine kasama ang anak na si Mavy.
Ani Carmina, “@reallysharoncuneta hahahahaahah. Ate sis!!!!! Yes. The twins knows. [heart emoji] I miss you too and I love you [two hearts emoji] Congrats to @mielpangilinan [clapping hands emoji]”
Hindi pa sumasagot si Mavy sa tila pakunyaring paninita ng “Tita” Sharon niya sa kanya.
Nag-ugat ito sa post ni Sharon kung saan ipinagmalaki niya ang anak na si Miel sa kauna-unahang magazine cover nito.
Mensahe ni Sharon sa anak: “So proud of you on having your first magazine cover SOLO, Yellie! I love you more than life itself. [three hearts emoji]”
Dito na nagkomento si Mavy.
Saad ni Mavy, “thank you so much po, ms. @reallysharoncuneta! [classic smiley emoji] wooohooo congrats @mielpangilinan!”
Nagtaka naman si Sharon kung bakit “Ms.” ang tawag ni Mavy sa kanya gayong kapatid daw ang turing niya sa ina nitong si Carmina.
At magkapareho pa raw ng kaarawan si Sharon at ang kambal, January 6.
Pabirong paninita ni Sharon: “@mavylegaspi Anong ‘Ms.?!!!’ Your Mama is my sister too!
"Ask her!? [face with two hearts emoji} And you and Cassie and I have the same birthday anak! [three hearts emojis]
"Thanks so much Mavy! Tell Mama I love her and miss her please! @mina_villarroel”
