Nagdadalamhati ngayon ang magkapatid na social media stars na sina Ranz Kyle at Niana Guerrero sa pagpanaw ng kanilang pinakamamahal na alagang aso na si Tiptoe.
Sa kanilang magkahiwalay na posts sa Instagram nitong Miyerkules, November 30, 2022, inihayag ng magkapatid ang pagmamahal sa pumanaw na alaga.
Post ni Ranz Kyle (published as is), "Love you bud, you’ll always be in my heart.
"I’ll always remember all our memories together.
"Thank you for being a guardian of the whole family. For being a best friend of mine.
"Its so sad that you’d have to go now but i’m pretty sure that you’ll just be around looking after us."
Dagdag pa niya, "Fly high my faithful friend."
Pinasalamatan naman ni Niana si Tiptoe, na itinuturing niyang "best buddy," sa pagbibigay nito ng saya sa kanilang pamilya.
Saad niya (published as is), "I love you tiptoe! our best buddy!
"Thank you for bringing so much joy in our world, and for all the good memories.
"You will never be forgotten [pray emoji] run free in heaven."
Samantala, hindi man binanggit ng magkapatid ang naging dahilan ng pagkamatay ni Tiptoe, sa comments section ng kanilang post ay bumuhos ang pakikiramay ng kanilang mga fans at kaibigan.
Marami ang nagsasabing mami-miss din nila si Tiptoe na makailang beses nang lumabas sa YouTube vlog nina Ranz Kyle at Niana.
