by Rachelle Siazon Video Producer and Editor: Rommel R. Llanes Usap-usapan ngayon sa social media ang rebelasyon ni James Reid tungkol sa pagkakamabutihan nila ni Issa Pressman.
Kasabay nito ang pag-alma ng ilang fans ni James at ex-girlfriend na si Nadine Lustre.
READ: James Reid, Issa Pressman holding hands in photo; are they an item?
Sina James at Nadine ay dating love team na kilala sa uniname na JaDine.
Nanariwa sa alaala ng JaDine fans ang kontrobersiyal na hiwalayan nina James at Nadine noong January 2020.
Iniulat ng PEP.ph (Philippine Entertainment Portal) ang breakup nina James at Nadine noong January 1, 2020, at kinumpirma iyon ng dalawa noong January 20, 2022.
Marami sa fans ang umasang magkakabalikan ang dalawa dahil sa kabila ng kanilang breakup ay nanatiling magkaibigan ang mga ito.
Pero kalaunan, simula noong August 2021, nasubaybayan ng netizens ang pagkaka-ugnay ni Nadine sa Siargao-based French guy na si Christopher Bariou.
July 2022 nang kumpirmahin ni Nadine ang relasyon nila ni Christopher.
JAMES REID'S PEP SPOTLIGHT INTERVIEW
Noong December 2022, eksklusibong nakapanayam ng PEP.ph si James sa taped online show na PEP Spotlight, kasama ang Careless Music singer na si Destiny Rogers.
Sa isang punto ng show, tinanong si James tungkol sa ex-girlfriend na si Nadine na dating nasa ilalim ng talent management ng Careless.
Nang tanungin kung awkward ba na makatrabaho ang ex-girlfriend, nilinaw ni James na maayos ang lahat sa pagitan nila ni Nadine.
Sabi ni James sa PEP.ph: "Me and Nadine had already been friends. It really wasn't that awkward.
"The first project that we did after the pandemic was her album."
Ang tinutukoy ni James ay ang Wildest Dreams album ni Nadine na inilunsad ng Careless Music noong October 2020.
Dagdag ni James, "We worked on that together—the visuals, the visual album. So we did a lot together still. We were still really good friends. We were very lucky."
Ayon kay James, napanatili nila ni Nadine ang maayos na pagkakaibigan kahit na hindi nag-work ang kanilang nearly four years relationship.
"Yes, I don't think any of the fans or the trolls or the bashers could possibly imagine how actually calm and how friendly and how just cool everything is compared to the stories that they're drumming up and all the noise they make about this and that," saad ni James.
NADINE LUSTRE LEAVES CARELESS MUSIC
Kasama si Nadine nang ganapin ang media launch ng artists ng Careless Music noong June 2022.
Sinabi noon ni Nadine na walang problema sa kanyang makipagtrabaho sa ex-boyfriend na si James.
READ: Nadine Lustre no problem working with James Reid; happy with current beau
Nang i-tape ang PEP Spotlight guest appearance ni James ay hindi pa naiuulat ang pahayag ni Nadine, kunsaan sinabi niya na kumalas na siya sa Careless Music.
Ipinaliwanag ni Nadine, base sa panayam ng DWRX noong December 10, 2022, na iba na ang direksyon niyang tahakin kaya nagdesisyon siyang bumitiw sa Careless.
Sa kasalukuyan, nasa pangangalaga si Nadine ng Viva Artists Agency talent management company.
#jamesreid #nadinelustre #pepscoop
Hosts: Rachelle Siazon & Bernie Franco
Video Producer & Editor: Rommel Llanes
Subscribe to our YouTube channel! https://www.youtube.com/PEPMediabox
Know the latest in showbiz at http://www.pep.ph
Follow us!
Instagram: https://www.instagram.com/pepalerts/
Facebook: https://www.facebook.com/PEPalerts
Twitter: https://twitter.com/pepalerts
Visit our DailyMotion channel! https://www.dailymotion.com/PEPalerts
Join us on Viber: https://bit.ly/PEPonViber
Watch us on Kumu: pep.ph
