Nagbigay-pugay si Jeorge "ER" Estregan, Jr.—o mas kilala bilang si Governor ER Ejercito—kay Tikoy Aguiluz, ang direktor ng Manila Kingpin: The Asiong Salonga Story.
Nanalo si Direk Tikoy ng Best Director sa 37th Metro Manila Film Festival Awards Night para sa pelikula.
Ayon kay ER, "Oo, para kay Direk Tikoy talaga yun.
"Nagtampo lang siya dahil binago namin yung editing, dahil there was a criteria na hindi puwedeng baguhin ang istorya.
"Di ba, yung Yesterday Today and Tomorrow, binago nila yung script kaya na-disqualify?
"Kaya we had to re-edit na ayon sa original script na 'binigay namin."
Ngunit sa mga naunang pahayag ni ER tungkol sa kanyang reedit at reshoot, wala itong anumang banggit na ginawa niya ang mga ito upang hindi makalabag ang Asiong Salonga sa MMFF rules.
Ang sinabi nito ay nabagalan siya sa editing ng pelikula, at hindi naman daw expertise ni Direk Tikoy ang editing, kaya raw kumuha siya ng mga batang editors at nang mapabilis ang pacing.
Matatandaang pagkatapos nito, pinatanggal ni Direk Tikoy ang kanyang pangalan sa credits ng Asiong Salonga.
(CLICK HERE to read related story.)
Sinasabi ngayon ni Governor ER na hangad pa rin niyang magkaayos sila ng batikan at award-winning director.
"I'm still hoping na yung El Presidente sa February ay siya pa din yung magdirek," sabi ni niya.
Ang El Presidente ay ang biopic ni Emilio Aguinaldo, kunsaan si ER din ang gaganap sa pangunahing papel.
Kasama sa pelikula ang Superstar na si Nora Aunor bilang si Maria Agoncillo.
Nasimulan na ang principal photography ng pelikula, ngunit naantala ito dahil sa Asiong Salonga.
SQ RELEASES STATEMENT. Samantala, naglabas ng pahayag ang SQ Film Laboratories patungkol sa mga alegasyong "sinabotahe" nito ang Asiong Salonga.
Ayon kasi sa pahayag ni Governor ER sa isang news report ilang araw matapos magsimula ang MMFF, sinabotahe raw ng film laboratory ang paglabas ng film prints ng Asiong Salonga, kaya raw di umabot ang kabuuang number ng prints nito sa first day ng film festival.
May kumalat ding text message noong December 25, mula sa PR ng pelikula na si Jobert Sucaldito, at ganito ang nilalaman:
"Nakakaloka! Sinabotahe ng SQ Laboratories ang Asiong Salonga. Naipit daw kc cla ng ibang producers kaya 17 prints lang out of 51 ang nagawa nila. Despite dis sobrang lakas ng Asiong sa 17 theaters at natalo pa ang ilang entries na kumpleto ang prints. Bukas kumpleto na ang Asiong Salonga sa 51 theaters kaya lalaban na ito nang husto.
"Nakapagtataka lang coz yung 34 vacant theaters ay na-fill in ng ibang entries gayong SQ Lab din ang may gawa. Saancla kumuha ng extra prints? Kakaloka, d b? Pero may awa ang Diyos, di magwawagi ang may masamang hangarin. Gud lak and bravo sa Manila Kingpin: The Asiong Salonga Story dahil lahat ng nakapanood pumupuri sa ganda ng movie. Tiyak hahakot ito ng maraming awards sa dec 28."
Pinabulaanan ng SQ Film Laboratories na may anumang "sabotahe" na naganap.
Ayon kay Anastacio Angelo Santos, ang post-production manager ng film lab, hindi sinasadyang ma-delay ang paglabas ng film prints ng Asiong Salonga.
Ihininto nga raw nila ang pag-process ng film prints ng isa pang pelikula, ang Segunda Mano, para bigyan daan ang pagpapagawa ng film prints ng Asiong Salonga na ipapadala sa mga sinehan sa probinsiya.
Alam pa raw ng production managers ng Segunda Mano, na pelikula ng Star Cinema,at ng Asiong Salonga, na produced by Scenema Concept, ang nasabing arrangement.
Narito ang pahayag ng SQ Film Laboratories na ipinadala sa media kahapon, December 29:
"With all due respect to the Governor, we regret that the delay in release of prints was interpreted as sabotage, which we categorically deny. We also categorically deny that there was, nor will there ever be, any connivance between SQ Film Laboratories and the other production companies involved in this festival.
"For the record, with the consent of both production managers of Star Cinema and Scenema Concept, the printing of 'Segunda Mano,' was stopped to give way to the printing of the provincial copies of 'Kingpin.' SQ Film Laboratories is not involved in the distribution of prints to theaters.
"Our laboratories are the longest running film processing company in the Philippines and maintains the highest standard of professionalism. It is unfortunate that in the run up to the festival, the incoming and erratic traffic of material from different groups of film makers resulted in compromises to the final outcomes to all concerned.
"In line with our mission statement, our company 'commits ourselves to serve the best interest of the company's stockholders, employees, customers, suppliers, and the global environment through high standards of integrity by delivering quality and technical expertise through leading technology and innovation, competitive pricing and excellent customer service in pursuit of financial growth and excellence.'
"We run our business with excellence and integrity and will continue to do so to provide the best service to the Filipino film industry."