Ikinatuwa ni Gab Valenciano ang pagkaka-nominate ng music video ni Beyonce para sa kantang “7/11” sa MTV Video Music Awards (VMAs), na nakatakdang ganapin sa August 30.
Nominado ang music video ng “7/11” para sa kategoryang Best Choreography, kung saan kasama ni Gab sina Beyonce at Chris Grant.
Read: Taylor Swift and Kendrick Lamar lead MTV VMAs nominations
Nitong Martes, July 21, nag-tweet si Gab para ipahayag ang kanyang katuwaan para sa nominasyon ng music video ni Beyonce.
5 nominations, including Best Choreography. Wow. God is good. @Beyonce @MTV #VMA http://t.co/tYGyMFGhIn
— Gabriel Valenciano (@gabvalenciano) July 21, 2015
Bukod kay Beyonce, narito pa ang iba pang nominado sa Best Choreography:
OK Go – “I Won’t Let You Down” (OK Go, air:man and Mori Harano)
Chet Faker – “Gold” (Ryan Heffington)
Ed Sheeran – “Don’t” (Nappy Tabs)
Flying Lotus ft. Kendrick Lamar – “Never Catch Me” (Keone and Mari Madrid)
Napansin sa international scene ang husay ni Gab sa pagsasayaw mula nang mag-upload siya ng kanyang “Super Selfie” dance moves noong 2013.
Ito rin ang naging inspirasyon ng “7/11” music video ni Beyonce na mapapansin sa dance moves sa video.
Nominado rin ang “7/11” para sa Video of the Year, Best Female Video, Best Pop Video, at Best Editing.