Get a chance to WIN an overnight stay in Pico de Loro and other prizes when you answer the PEP.ph Reader’s Survey!

Answer Now

Ellen Adarna no-show at first hearing of child abuse, cybercrime cases against her

by Bernie V. Franco
Jun 4, 2018
Ellen Adarna fails to show up at the first hearing of the cases filed against her by the parents of a teenager the actress has accused of taking shots of her and boyfriend John Lloyd Cruz inside a restaurant last May.  

Hindi sumipot si Ellen Adarna sa unang hearing ng kasong child abuse at cybercrime na isinampa ng mga magulang ng teenager na si Eleila Santos laban sa aktres.

Ginanap ang hearing sa Office of the City Prosecutor sa Pasig City ngayong Lunes, June 4.

Nagtungo ang mga magulang ni Eleila na sina Myra at Roel Santos, kasama ang kanilang abogado, sa Office of the City Prosecutor, ayon sa tweet ng ABS-CBN entertainment reporter na si MJ Felipe.

Nagtakda naman ng bagong hearing ang investigation prosecutor upang bigyan ng isa pang pagkakataon ang kampo ni Ellen para sagutin ang mga kaso.

Ayon sa mensaheng ipinadala ng abugado ng mga Santos na si Atty. Arnold Labay sa PEP.ph (Philippine Entertainment Portal) ngayong hapon, "Hearing was reset to June 11 due to the absence of Ms. Ellen.

"Santos family would just await for the Child Abuse and Cybercrime cases to take its due course."

Continue reading below ↓

Nito lamang weekend ay pumanaw ang ama ni Ellen na si Alan Modeso Adarna dahil sa cardiac arrest.

Nakaburol ang mga labi ng ama ni Ellen sa Cosmopolitan Memorial Chapels, Inc. sa Mandaue, Cebu.

STORIES WE ARE TRACKING

May 15 nang magdesisyon ang mag-asawang Santos na sampahan ng kasong paglabag sa R.A. 7610 o Anti-Child Abuse Law at R.A. 10175 o Anti-Cybercrime Law si Ellen dahil sa pag-post nito ng video sa social media ng kanilang 17-anyos na anak.

Inakusahan ni Ellen ang 17-anyos na dalaga na pina-“paparazzi” o kinukunan silang dalawa ng boyfriend na si John Lloyd Cruz ng video habang kumakain sa isang ramen restaurant sa Makati City noong May 4.

Tatlong araw pagkatapos ng insidente, May 7, nag-post ng open letter ang ina ng dalaga at humihingi ng public apology mula kay Ellen dahil sa ibinibintang nito sa kanyang anak.

Binanggit din ni Myra sa kanyang open letter na nakikipag-usap na sila sa kanilang abogado para sa legal assistance kung sakali mang hindi gawin ni Ellen ang public apology.

Continue reading below ↓

Hindi naglabas ng public apology si Ellen.

Makalipas ang isang linggo, nagdesisyon ang mga magulang ng dalaga na sampahan ng kasong child abuse at cybercrime ang aktres.

STORIES WE ARE TRACKING

Read Next
Read More Stories About
Ellen Adarna
Recommended Videos
Latest Stories

Get a chance to WIN an overnight stay in Pico de Loro and other prizes when you answer the PEP.ph Reader’s Survey!

Answer Now
Trending in Summit Media Network

Featured Searches:

Read the Story →
Ellen Adarna fails to show up at the first hearing of the cases filed against her by the parents of a teenager the actress has accused of taking shots of her and boyfriend John Lloyd Cruz inside a restaurant last May.  
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results