Julie Anne San Jose reunites with Sugarpop co-members

by Nerisa Almo
Jun 11, 2018
Julie Anne San Jose (left photo) relates fun experience during her reunion with her Sugarpop co-members. In the right photo, Julie Anne (in white sleeveless top) posed for a group photo with (clockwise from upper left) Renzo Almario, Rita Daniela, Pocholo Bismonte, Vanessa Rangadhol.

Kakaibang saya raw ang naramdaman ni Julie Anne San Jose nang muli niyang makasama ang mga ka-miyembro niya noong sa grupong Sugarpop dalawang Linggo na ang nakalilipas.

Ang Sugarpop ay binuo ng GMA Network, kung saan ang mga miyembro ay ang finalists sa dating singing talent search show na Pop Star Kids.

Ito ay sina Julie Anne, Pocholo Bismonte, Renzo Almario, Vanessa Rangadhol, at Rita Daniela, na siyang grand champion noon.

Continue reading below ↓

Sa isang villa raw nangyari ang masayang reunion ng limang young singers kamakailan.

“Sobrang sarap lang,” excited na kwento ni Julie Anne.

“Ilang beses na rin po kaming nag-uusap-usap, 'O, kailan ba tayo ulit magkikita-kita?'

“E, hindi po talaga nagtutugma-tugma yung schedule naming lahat.

“So, sabi ko tara mag-ano tayo, lahat pumunta.

“Sobrang saya kasi parang kailan ko sila last nakita?

“Parang early this year ko pa sila last na nakita, New Year or January.”

“It was really fun. Kahit yung mga parents nila, everyone was really fun.

“We had food, we had sounds...”

Continue reading below ↓

Katulad ng ibang reunion, hindi rin nawala sa kanilang bonding ang kantahan at sayawan.

Sa katunayan, sa isang video na na-upload sa Facebook Page ni Julie Anne, makikita ang lima na kabisado pa ang dance steps para sa single nila noong “Sugarpop.”

Masayang kwento pa ni Julie Anne, “Nag-throwback kami, yung songs sa album namin pinakinggan namin.

“Nakakatawa talaga kasi para kaming nasa children's party.

“Sobrang nakakatuwa lang talaga na nagsama-sama kaming lahat kahit na may iba kaming paths o directions.

“Yun lang yung time na nagkita kaming [lahat] kaya sobrang sarap ng feeling, ang daming mga kwento.”

Continue reading below ↓

Maituturing na isang magandang time out ito para kay Julie Anne, na abala sa kanyang daytime series na My Guitar Princess.

Naka-schedule din siyang umalis ng bansa patungong Dubai, kasama sina Regine Velasquez at Christian Bautista, para sa 3 Stars, 1 Heart Concert sa Dubai World Trade Center sa Sabado, June 16.

Read Next
Recommended Videos
Latest Stories
Trending in Summit Media Network

Featured Searches:

Read the Story →
Julie Anne San Jose (left photo) relates fun experience during her reunion with her Sugarpop co-members. In the right photo, Julie Anne (in white sleeveless top) posed for a group photo with (clockwise from upper left) Renzo Almario, Rita Daniela, Pocholo Bismonte, Vanessa Rangadhol.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results