Ikinatuwa ng mga tagahanga ni Aiza Seguerra—na ngayon ay gusto nang makilala bilang Ice Seguerra—ang simpleng Instagram post niya kahapon, June 10, kung saan kasama niya sa litrato si Piolo Pascual.
Kuha ang larawan sa studio ng Sunday variety show ng ABS-CBN, ang ASAP, kung saan guest performer si Ice.
Sabi ni Ice sa caption, "'Sing pogi pero di 'sing tangkad."
Sinang-ayunan ito ng Instagram followers ni Ice.
Base sa comments ng Instagram followers ni Ice, makikitang tanggap ng mga ito ang pagiging self-confessed "transgender man" niya.
Hindi rin kaila sa publiko ang pagpapakasal ni Ice sa partner niyang si Liza Diño sa California noong December 8, 2014.
Nagpakasal din ang couple dito sa bansa noong January 8, 2015.
TRANSGENDER MAN, NOT A TOMBOY. Ganunpaman, inihayag ni Ice ang pagkadismasya dahil may mga iilan pa ring napagkakamalan siyang "tomboy."
Sa kanyang hiwalay na Instagram post, nagbahagi si Ice ng quote card na may mga katagang, "Na pag kamalan ka na bang tomboy?"
Sagot ni Ice sa kanyang caption, "Parati. Kasawa na."
Noong December 2017, huling naghayag si Ice sa kanyang Instagram account na isa siyang transgender man.
Bahagi ng kanyang mensahe para sa mga kaibigan at kapamilya:
“I am a TRANSGENDER MAN.
“Ibig sabihin, pinanganak man akong may vagina, I identify myself as a man. Gets? TRANSMAN po yun."
