Former child actor CJ Ramos arrested in drug buy-bust operation

by Arniel C. Serato
Aug 3, 2018
Former child star CJ Ramos admits using illegal drugs: "Wala, e, addictive talaga, e, mahirap iwasan."

Nahuli ng pulisya ang dating child star na si CJ Ramos sa buy-bust operation na isinagawa sa isang convenience store sa Tandang Sora, Quezon City, noong Martes ng gabi, July 31.

Huli sa akto na bumibili ng shabu si CJ.

Ayon sa exclusive report ng Aksyon ng TV5 kagabi, kasama ring nahuli ni CJ ang binilhan nito ng shabu.

Ang pusher ang nagsabi sa mga awtoridad na dating artista ang kanyang katransaksiyon.

Inamin naman ni CJ na gumagamit siya ng ilegal na droga.

Aniya, "Mga three days ago [ako huling gumamit]. Ten years ago [ako nagsimulang mag-drugs].

"Pero nag-stop ako, mga two... almost three years. Ngayon na lang ulit kasi na-miss ko, e."

Nagpositibo si CJ sa drug test.

Aminado rin ang dating child actor na drugs ang sumira ng kanyang showbiz career.

Sabi pa niya, "Kailangan kong pagdusahan ito, kasi ginusto ko ito, e.

"Wala, e, addictive talaga, e, mahirap iwasan.

Continue reading below ↓

"Pero naiwasan naman. Natsambahan lang."

Na-inquest na si CJ kahapon sa kasong illegal possession of dangerous drugs.

Kung malulusutan daw niya ito ay gusto na niyang magbagong buhay.

Sabi ni CJ, "Planong magbagong buhay after this. Sana."

Si CJ ay naging bahagi ng dating youth-oriented show ng ABS-CBN na AngTV.

Kabilang naman sa mga ginawa niyang pelikula ay Tumbasan Mo Ng Buhay (1993), Ang TV The Movie: The Adarna Adventure (1996), at Tanging Yaman (2000).

Read Next
Read More Stories About
cj ramos
Featured
Latest Stories
Trending in Summit Media Network

Featured Searches:

Read the Story →
Former child star CJ Ramos admits using illegal drugs: "Wala, e, addictive talaga, e, mahirap iwasan."
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results