Bumulagta ang Glorious star na si Tony Labrusca matapos itong aksidenteng masapak sa mukha ng isang guwardiya ng isang mall sa Batangas.
Sa video na ipinost sa Facebook ng isang nagngangalang Patricia Ann Malubay Ramillo, makikitang dinumog ng kanyang fans si Tony matapos itong mag-perform sa Victory Mall sa Tanauan, Batangas, noong Sabado, December 8.
Pinaligiran ng mga guwardiya ang Kapamilya actor habang paalis ito ng venue, ngunit makikita sa video na isang guwardiya ang sumapak sa kanya.
Makikita ring bumulagta ang baguhang singer-actor.
Nakalagay sa caption ng post: “Kawawa naman si Tony Labrusca. He went down during his visit in Victory Mall, Tanauan, Batangas. Hope he's fine after all.”
Kaya naman nag-aalala ang fans ni Tony.
Sa Twitter, pinawi ni Tony ang pag-aalala ng kanyang mga tagahanga.
Nilinaw rin ng aktor na hindi sinasadya ng guwardiya ang pagkakasuntok niya.
Sabi niya sa kanyang tweet kagabi, December 10:
“Hey guys, I noticed a lot of you are worried about me getting punched in the face in my last mallshow.
“I’m totally okay :) I know the guard didn’t mean it. Thanks to everyone for being so thoughtful!”
Hey guys, I noticed a lot of you are worried about me getting punched in the face in my last mallshow. I’m totally okay :) I know the guard didn’t mean it. Thanks to everyone for being so thoughtful!
— Tony Labrusca (@tonythesharky) December 10, 2018
Mas uminit ang pangalan ni Tony dahil sa mapangahas niyang pagganap sa May-December love story na Glorious katambal si Angel Aquino.
