Sarah Geronimo shows affection for Matteo Guidicelli in Pampanga trip

Consistent sina Sarah Geronimo, 30, at Matteo Guidicelli, 28, sa pagiging sweet sa isa't isa kahit sa pampublikong lugar.

Sa kanyang Instagram post ngayong Linggo, January 20, ipinakita ni Matteo ang ilang litrato nila ni Sarah na kuha sa Pampanga.

Sinamahan ni Sarah si Matteo sa pagsali ng aktor sa Boss Ironman Motorcyle Challenge.

Makikitang magka-holding hands ang dalawa sa litrato.

May iba pang kuha ang magkasintahan kung saan hindi mapaghiwalay ang dalawa habang nasa holding area ng event.

Hawak nila ang kamay ng isa't isa habang nakasakay si Matteo sa motorsiklo at si Sarah naman ay nakatayo sa tabi nito.

Proud girlfriend ang dating ni Sarah habang todo-ngiti na umakbay kay Matteo at saka pumayag na makunan sila ng litrato ng mga nanood ng event.

Base ito sa Instagram post ng fans ng couple.

Kamakailan lang ay namataan sina Sarah at Matteo habang nagbabakasyon sa Batanes province.

Noong September 2018, ipinagdiwang ng couple ang kanilang fifth anniversary sa Italy.