Kristofer King interment still uncertain because of money problems

by Jerry Olea
Feb 25, 2019
Naulila ng aktor na si Kristofer King ang kanyang misis na si Nikki at ang kanilang limang anak, na dalawa rito ay mayroong Hunter Syndrome.
PHOTO/S: Jerry Olea / Arniel Serato

Hindi pa sigurado kung matutuloy ang libing ng indie actor na si Kristofer King sa Marso 3, Linggo.

Hindi pa kasi nakukuha ng asawa niyang si Joan "Nikki" Reyes sa ospital ang death certificate ng aktor.

Pumanaw si Kristofer—Christopher Sioco Reyes sa totoong buhay—sa edad na 36, noong Sabado ng gabi, Pebrero 23.

“Hold pa yun, hindi ko pa nababayaran. P80,000 yun,” malungkot na lahad ni Nikki nang makausap ng PEP.ph (Philippine Entertainment Portal) nitong Pebrero 24, Linggo ng hating-gabi, sa Rizal Funeral Homes, sa Cementina St., Pasay City.

IMAGE Jerry Olea
Continue reading below ↓

Kapag nakuha niya ang death certificate at nailibing ang mga labi ni Kristofer, kailangan naman niyang maghagilap ng P28,000 na pambayad sa pinagbuburulan ni Kristofer.

Continue reading below ↓
Recommended Videos

“Kasi, P4,000 ‘to bawat gabi. Pitong gabi ang lamay, kaya bale P28,000,” malumanay na sambit ni Nikki.

Wala pa ring bayad ang kabaong ni Kristofer na P55,000 ang halaga.

Maski na yung mga bulaklak na P7,000 ay inutang din daw ni Nikki.

IMAGE Jerry Olea
Continue reading below ↓

Nabanggit si Coco Martin nang una pang isinugod si Kristofer sa ospital dahil ilang beses nakasama ito ni Kristofer sa indie movies.

Isinama pa ni Coco si Kristofer sa teleseryeng FPJ’s Ang Probinsyano.

Nagpadala na ba ng tulong si Coco?

“Sa ngayon, hindi pa po siya tumutulong. Wala pa po,” tugon ni Nikki.

1999 nagsama sina Kristofer at Nikki. Lima ang kanilang mga anak na edad 18, 12, 11, 10, at 5.

Dalawa sa mga lalaking anak ay may sakit na Hunter Syndrome, isang napakabihirang uri ng inherited genetic disorder. Kaya tuwing Huwebes ay nasa PGH ang mga ito.

Kristofer King's wife and children
IMAGE Jerry Olea
Continue reading below ↓

Paano na ang ikabubuhay nilang mag-iina?

“Sa ngayon, hindi ko pa maisip. Ang gusto ko lang, mapaayos muna siya,” saad ni Nikki.

“Kapag napaayos ko na siya, saka ko na lang iisipin kung paano kami.

"Kasi, siya, ngayon ko na lang makikita, e," pagtukoy niya sa namayapang aktor.

STORIES WE ARE TRACKING

Read Next
Latest Stories
Trending in Summit Media Network

Featured Searches:

Read the Story →
Naulila ng aktor na si Kristofer King ang kanyang misis na si Nikki at ang kanilang limang anak, na dalawa rito ay mayroong Hunter Syndrome.
PHOTO/S: Jerry Olea / Arniel Serato
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results