Anytime this month ang inaasahan na pag-alis sa Pilipinas at pagbalik sa sariling bansa ng male television personality na kinalaban ang kanyang manager nang dahil sa pag-ibig.
Pinilit ng male television personality na makipag-ayos sa manager niya pero huli na ang lahat.
Hindi nagbago ang isip ng manager na bitawan ang pamamahala sa showbiz career ng male television personality na na-in love nang husto sa sexy aspiring actress na nagsasama sa kanya sa mga out-of-town-show nang lingid sa kaalaman ng mentor at discoverer niya.
Bukod sa kawalan ng respeto ng male television personality sa kanyang manager, gusto nila ng kanyang girlfriend na ilantad sa publiko ang kanilang relasyon.
Tutol ang manager sa nais na mangyari ng male television personality.
Sa mga karanasan niya bilang seasoned talent manager, siguradung-sigurado siya na makakasira sa career ng kanyang alaga ang kagustuhan nito na ipakilala sa mga tao ang karelasyon.
Besides, napagod na ang manager sa pagtatakip sa tunay na ugali ng male television personality kaya nag-apologize siya sa mga tao na kanyang sinabihan na mabait at hindi nagbibigay ng problema ang talent niya.
Nahihirapan na rin ang manager na pagtakpan ang katotohanan na live-in partners na ang male television personality at ang aspiring actress na may anak sa pagkadalaga.