Matagal nang hindi dinadalaw at hindi binibigyan ng sustento ng aktor ang kanyang anak na produkto ng one-night stand.
Sinabi ng ina ng bata na hindi na bumibisita ang aktor mula nang makipagrelasyon ito sa isang aktres. Itinanggi ng nanay ng bata ang akusasyon ng aktor na sinasadya niyang huwag ipakita ang kanilang anak. Sinabi ng ina ng bata na hindi na nito hinahanap ang ama. Nasanay na raw ang kanilang anak na hindi nakikita ang aktor.
Napangiti pero mariin na "hindi na!" ang sagot ng ina ng bata nang itanong namin kung may pagmamahal pa siya sa aktor.
Ang latest update, hiwalay na ang aktor at ang aktres na karelasyon niya pero hindi pa rin siya nagpapakita at nagpapadala ng sustento sa kanyang anak.
Palaisipan ang rebelasyon ng ina ng bata dahil sa mga interbyu, madalas na sabihin ng aktor na mahal na mahal nito ang kanyang anak kaya nakapagtataka ang biglang paglayo niya.