Ang family name ng kanyang nanay na si Eloisa Matias ang ginagamit ng promising actor na si Race Matias dahil hindi naman kasal ang ina at ang tatay niya.
Si former Quezon City Mayor Herbert Bautista ang popular father ni Race.
Nagkuwento si Race tungkol sa isang insidenteng nangyari noong 8 years old pa lamang siya.
"For starters, never naman po nagpakasal yung dalawa, so they gave me the option when I was way way younger.
"Do you want to change your last name to Bautista?" tanong daw noon ng kanyang ama kay Race, na sinagot daw niya ng “Why would I do that?"
Saad pa ni Race, "Okey naman ako sa apelyido ko ngayon.
"Why would I wanna change my last name, e, okey naman ako sa Matias?
"From the start naman talaga, I had a fair idea of the relationship that my parents have.
"There was a lot of drama that came before I was even born.
"From the start, my mom never wanted to hide anything.
"She wanted to come clean right away, 'This is what happened. Ito yun, ito na yung relationship namin ngayon.'
"So going back, 'Why would I wanna change my name?'
"'So that, you know, you can prove na I’m your dad,'" ang diumano’y sagot noon ni Herbert sa kanya.
"And then, a stupid thing came to my head, 'So then, how can I prove na she’s my mom?'
"My dad was, like, 'Fair enough.'
"And then, according to my parents, sabi ng mom ko, 'Ano ba yung itinuturo mo sa anak mo?' Parang ganoon," pagbabalik-alaala ni Race.
Hindi ipinagkakaila ni Race na malapit na malapit siya sa kanyang ina.
"My mother and I have a very dynamic relationship, and it’s tough love lagi, which is… she’s a single mom.
"It makes sense na kapag nagloloko-loko ako, kapag tumatakas ako ng bahay, nahuhuli ako, nire-remind lang niya na, 'Huy, ikaw, kung mapatay ka diyan dahil sa kalokohan mo...'"
Kahit lumaki siyang hindi magkasama ang kanyang mga magulang, mahal na mahal din ni Race si Herbert.
"I love both of my parents. I never had any problem [with my dad].
"He was there with every step, like, he never missed a birthday, he never missed a Christmas dinner, he never missed graduations, family day, all the major steps of my life.
"I appreciate him. He’s a busy guy, I can only imagine what it’s like running Quezon City."
Sa edad na 50, single pa rin si Herbert; pati ang ina ni Race.
Kaya itinanong ng Cabinet Files kung umaasa ba si Race na sa bandang huli, ang kanyang mga magulang pa rin ang magkakatuluyan?
Sagot nya, "If I were to wish for one thing, it is happiness for the both of them, whether or not it’s the two of them being together.
"If my dad finds someone who makes him happy and that person is not my mother, I’m happy.
"And if my mother finds someone who makes her happy and that person is not my father, I’m happy."
Introducing si Race sa Indak, ang dance movie ng Viva Films na pinagbibidahan nina Sam Concepcion at Nadine Lustre.