Are you a showbiz fan na updated sa latest chika? Join the Anong Chika Today? Private page on Facebook for unli-chikahan!

Join Now

Ang Probinsyano, maaring magwawakas na sa September 2020; Susan Roces, balik-taping na rin

by Jojo Gabinete
Jun 21, 2020
Balik-taping na rin si Susan Roces, a.k.a. Lola Flora, sa Ang Probinsyano.
PHOTO/S: @tingduque @cocomartin_ph pn Instagram

Sa lahat ng programa ng ABS-CBN na inilipat sa Kapamilya Channel, ang serye ni Coco Martin na Ang Probinsyano ang may pinakamaraming commercial load mula nang ibalik ito sa ere.

Hindi tiyak kung ang mga ads na ito ay na-close before or during the community quarantine, pero sila ay patunay na buo pa rin ang tiwala ng mga advertisers sa programa.

Ngayon ay napapabalitang magwawakas na ito sa September 2020, makalipas ang limang taong pamamayagpag sa telebisyon.

September 28, 2015 nang unang mapanood sa prime-time slot ng ABS-CBN ang action drama series ni Coco.

Nahigitan na ng Ang Probinsyano ang Mara Clara, na tumagal naman sa telebisyon ng apat na taon at anim na buwan—mula August 17, 1992 hanggang February 14, 1997.

Nag-umpisa nang mag-taping ang cast ng Ang Probinsyano tatlong buwan matapos ipatupad sa Luzon ang Enhanced Community Quarantine dahil sa coronavirus pandemic, at mahigit isang buwan mula nang ipasara ng National Telecommunications Commission ang ABS-CBN.

Continue reading below ↓

Dati, ibinalitang “nag-beg off for safety reasons” si Susan Roces sa pag-taping ng Ang Probinsyano.

Pero ang latest update ay ikatutuwa ng mga tagahanga ng veteran actress. Pumayag na siyang mag-taping dahil magagawa niya ito nang hindi kinakailangang umalis ng bahay.

Reportedly, ito ang naisip na solusyon ng production staff: ang mag-taping si Susan sa sariling pamamahay nito.

Continue reading below ↓
Recommended Videos

Hinihintay lamang ni Susan ang bagong script ng Ang Probinsyano bago umpisahan ang taping ng mga eksena niya sa ginhawa ng kanyang tahanan.

Ginagampanan ni Susan ang karakter ni Lola Flora.

RELATED STORIES

Read Next
Latest Stories

Are you a showbiz fan na updated sa latest chika? Join the Anong Chika Today? Private page on Facebook for unli-chikahan!

Join Now
Trending in Summit Media Network

Featured Searches:

Read the Story →
Balik-taping na rin si Susan Roces, a.k.a. Lola Flora, sa Ang Probinsyano.
PHOTO/S: @tingduque @cocomartin_ph pn Instagram
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results