Pumanaw ang Hollywood actress na si Kelly Preston dahil sa breast cancer nitong July 12. Siya ay 57 years old.
Si Kelly ay asawa ng popular Hollywood actor na si John Travolta.
Isang official representative ng Travolta family ang nagbigay sa People Magazine ng pahayag tungkol sa malungkot na balita.
"On the morning of July 12, 2020, Kelly Preston, adored wife and mother, passed away following a two-year battle with breast cancer.
"Choosing to keep her fight private, she had been undergoing medical treatment for some time, supported by her closest family and friends.
"She was a bright, beautiful and loving soul who cared deeply about others and who brought life to everything she touched. Her family asks for your understanding of their need for privacy at this time."
Naulila ni Kelly si John at ang kanilang mga anak na sina Ella, 20, at Benjamin, 9.
Ang panganay na anak nina Kelly at John na si Jett ay namatay noong 2009 sa edad na 16.
Ang U.S.-based at Filipino international fashion designer na si Oliver Tolentino ang isa sa nagbigay-pugay kay Kelly.
Personal na magkakilala ang dalawa dahil si Oliver ang nagbihis kay Kelly nang dumalo ang aktres sa American Foundation for AIDS Research (AmFar) gala sa 67th Cannes Film Festival noong May 22, 2014.
Mensahe niya: "Kelly Preston was very nice in person when we had fittings for this gown she wore to the AmFar charity event in Cannes in 2014.
“She knew all about Filipinos and we talked food since she grew up in Hawaii. I was flattered when we saw her and husband John Travolta several years later at an awards party, she remembered me.
"Rest In Peace, Kelly Preston."
Kabilang sa mga ginawang pelikula ni Kelly ay ang Mischief (1985), Space Camp (1986), Twins (1988), Jerry Maguire (1996), at For The Love of the Game (1999).
Ang huling pelikulang ginawa ni Kelly ay ang Gotti (2018), kung saan gumanap siya bilang Victoria Gotti, ang asawa ng Mafia boss na si John Gotti, na ginampanan naman ng mister niyang si John Travolta.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika